Foodie 生活雜誌

9/2015 光顧

有誠意的小店。在酒吧臨立的太子，見有一間清新小店，經過好多次，心想又係嗰d北歐清新裝修，喺三五七間餐廳做過廚，之後又為理想....下刪五百字的公式餐廳，所以多次過門不入，後來睇介紹話唔錯（我就係咁膚淺，所有資訊知識都係從雜誌得來，是但一篇click得中就得)加上當日一定要在附近食lunch , 又試下。餐廳係我喜歡的裝修，簡單得來有d細節位。原來食物都ok喎，賣相精緻(即係細碟，喜歡的餐廳就話精緻，其他的就話人細碟)，百幾蚊個午餐，太子區嚟講價錢稍貴，揾次會試下晚餐

caesar salad  見到有點汗顏，究竟係咪新的Lego料理？(要自己砌)侍應教我將Romaine菜當麵包，加配料食，但每樣小小，唔覺食左嘢，影相就靚。

南瓜湯 香濃清甜，good

香橙蔬菜紅菜頭意大利飯  睇到個組合幾特別，一上枱覺得顏色好古怪，誰知食落又唔錯喎，個飯少少甜，西蘭花咸，個橙好似有化學作用咁連接住兩種味，好清新的一道菜，感覺健康

煎鱸魚 睇到個皮都知得

油鴨脾  夠柔軟，鴨味濃，唔會過咸，做得唔錯，因為試過某些餐廳食到乾爭爭的鴨脾

咖啡ok 但見到個立體花，真係唔整好過整

好骨子的小店