(忘記飲品名稱，只記得味道可口，唔係色素飲品)
9/2015 光顧
都市人飲食選擇多，餐餐大魚大肉，有時都會想清清地食素。此店走的係新派健康素食路線，西化一點，擺碟靚一點。店子在商厦25樓，一到門口第一印象係好嘈好局促，但一場來到，就無謂轉地方。可能我對素食興趣不大，打開餐牌真係無頭緒，最後點左三款食物兩款飲品，好普通的食物，食完後我的感覺就似在靚裝茶記食左四舊幾水晚飯，當見識下何謂「新派素食」囉。不過眼見店子高朋滿座，好多人都有儲分咭，即係有唔少回頭客，只係唔合我心水啫。
咕嚕猴頭菇配珍珠糙米飯 咕嚕猴頭菇 幾有趣，甜酸汁味道剛好，粉醬唔厚，入面係猴頭菇，幾juicy, 配菜新鮮配珍珠糙米飯，飯較濕。無想到以客飯形式上，感覺平價左
蘆薈素香鬆苜蓿芽手卷 以苜蓿芽代替飯，加點素肉鬆同蔬菜，幾有趣。
黑松露薯蓉焗大啡菇 侍應介紹，話都幾多人點。 做法簡單，大菇加薯蓉再鋪上芝士焗，盛惠$139 加一。好處係飽肚，無其他補充
店子一眼見哂，盡頭的係VIP房，可以坐兩圍，有圍菜菜單選擇。
文章標籤
全站熱搜
留言列表
香港食食食 (25)
