公司附近的外賣小店，選擇多，製作認真(睇下個餐蛋治就知)，出餐快。全店只有兩姐妹，一個負責食物，一個負責落單及飲品，合作純熟，簡單的一間小店。呢d就叫小生意，難度唔太高，自家人一手一腳搞惦，揾兩餐就係咁。以前香港都係咁，先整駕木頭車做小販，好生意賺到咁上下就入鋪，慢慢一點一滴的累積，可以靠自己雙手去賺取所得。但現今香港環境不同了，貧富懸殊愈來愈嚴重，社會財富不勻，如何救人自救？講多無謂，行動最實際，我可以做的就係盡量幫襯小店，令佢地有生存空間。加油，luis ! 觀塘仲有好多呢類小食店，希望呢個空間不會被蠶食。
文章標籤
全站熱搜
留言列表
香港食食食 (25)
