9/2015 光顧
想在香港尋找美味越南牛肉河。我未食過正宗的越南牛肉河，所以唔知係點，個人願望只求牛骨湯底有肉味得來要鮮甜，河粉要滑，牛肉唔好有雪味，最重要係食完唔口渴，係咁多。不過似乎好難揾。食開的味佳居唔錯，可惜居然執左，真係晴天pig pig。見呢間口碑ok，又試下。番鬼佬新潮裝修，只係點左兩碗麵一碟菜，味道ok，不過無回頭衝動。後來先知此店係芽莊的年輕版，唔知點解有中伏的感覺......
生牛肉河 有齊芽菜金不換青檸等配菜，湯底香濃，可惜咸左d，河粉唔夠滑，食完都幾口渴。
爽腩河 爽腩稔得來有咬口，唔錯，不過加埋一要成$80一碗.......朋友食完後話好口渴
炒芥蘭苗 菜苗嫩，蠔油味精重
文章標籤
全站熱搜
留言列表
香港食食食 (25)
