Foodie 生活雜誌

11/2015 光顧 

食店在新羅寶隔離，裝修外型突出，有幾個鳥巢狀坐位，但每次幫襯新羅寶時行過都唔見有人，冷冷清清的。今晚諗唔到食咩，想起呢間。坐低收到兩個餐牌，原來同隔離百樂小館互通，餐牌都係互通，即係可以點選兩間食店的食物，一雞兩味。侍應服務態度親切，個別食物用料味道不俗，不過又係份量細，在我同另一個朋友唔肚餓的情況下，四個人點六個菜先係剛剛好，而且價錢唔平。東南亞菜水準比中菜高 (鹵水鵝無影相 細細碟，肉靱嚡口)地方清靜，幾好坐。

蕎麥茶 個茶壺幾有特色，侍應介紹蕎麥茶有益，而且飲完夜晚唔會瞓唔著，對於夜晚飲完咖啡都瞓得著的我，飲唔出分別。

栗子雞煲 栗子好味，原粒細細粒。可惜雞無味，茨汁厚。

柚子沙律 good，柚子好juicy清甜，配個辣汁，醒胃

巴東牛肉 牛肉軟稔入味，外面包層薄薄炸醬，炸得乾身，配埋帶點酸的sauce, 好味

清炒豆苗 用豆奀，嫩

蘿蔔水洛 外層的炸漿較油，好在入面的蘿蔔條又甜又軟，粗粗地有口感，唔錯

鳥巢裝修幾靚

中菜部，都係西式裝修