close

  

8/2015 光顧

在西環覓食的經驗唔太好，好幾次就算睇完雜誌有心水，去到都係唔啱feel，好在今次選的算對辦，唔使調頭走。餐廳頗有規模，三層樓，樓下小食店，樓上係餐廳，有半層用來做cooking class同coffee tasting, 聽講會教埋炒豆，不過好似話唔夠人手，未開班。餐廳走小清新路線，似去朋友屋企食飯，餐牌有好多款homemade pasta, 味道唔錯，百零蚊碟，睇落唔貴，但份量尷尬，點一碟嫌少，兩碟又太多，感覺寒酸，寧願佢貴少少，比番個正常份量我。呢度亦係一間麵包店，賣法蘭西麵包。店主真係多諗頭，住附近的朋友可以來試下，不過大食者要有心理準備。
 
洋蔥湯  唔係傳統，似在家中煮的變奏版，芝士包同洋蔥撈埋一堆，裝在隻可愛造型碗內，似飲杯杯湯，味道ok
 
  
 
蕃茄湯  好濃的蕃茄蓉湯，不俗
 
  
 
意大利雲吞  蒜蓉蘑菇饀，雲吞皮有咬口，個sauce多少少會更好
 
  
 
cannelloni 意大利肉卷  饀料有薯仔，芝士同火腿，homemade 粉皮彈牙,幾好味
 
  
 
carbonara  味道同cannelloni 差不多，不過一個係意粉，一個係肉卷
 
  
 
 
白酒煮蜆  個sauce ok， 可惜用的係細細隻的沙白，無肉食，寧願佢收多幾十蚊正正經經比隻蜆我食
 
  
 
另外點左兩個 tea set ，一個跟mini pizza ，Margherita 薄批，唔錯
 
  
 
一個跟homemade crepe  但個crepe實在太迷你，要留比小朋友，只切小小試，試唔出味道，不過見小朋友食得好開心
 
  
 
蟹肉牛油果三文治  饀料份量少，但個包又香又有咬口，結果友人買左個第二日做早餐。
 
  
 
清新小店
 
  
 
  
 
  
 
  
 
arrow
arrow
    文章標籤
    西環
    全站熱搜

    Hearoom 發表在 痞客邦 留言(0) 人氣()

    E-mail轉寄