Foodie 生活雜誌

因為旅程安排往伊豆浸溫泉，而往伊豆的火車由東京站出發，加上想食的餐廳大多數在銀座，所以今次入住東京站附近的酒店。睇過好多酒店選擇，Super Hotel LOHAS無論位置、設施及價位都合理。酒店對正東京站，雙床房夠位開兩個大喼，清潔整齊，仲有大浴場、自選枕頭等added value，每晚住宿可以獲取一個印仔，儲齊三個，喺到期日前可以作現金使用，係一個不俗的選擇。同日本好多連鎖酒店一樣，super hotel 有會員制，登記做會員後可以早於入住前半年訂房，酒店房間好搶手，我都係一早訂定。

Super Hotel LOHAS東京站八重洲中央口 

https://www.superhoteljapan.com/cn/s-hotels/yaesu/

酒店喺正東京站對面，行二十分鐘左右到銀座，位置優越

酒店大門在橫街內，往後行就係日本橋商業區，附近好多美食

大堂細細，繁忙時間會幾迫人

早上有機械狗狗同你 say hi

枕頭選擇區

房間用密碼鎖，唔使帶鎖匙，方便

twin room 面積 21平方米，以日本連鎖酒店計，算係咁。床鋪夠大，地方整潔

有4隻杯，房間似乎可以住4人？

窗外景觀不至於全面壁，隊個頭出去會見到晚上燈光閃亮的東京站

細心位 :  使用水聲稱使用健康水，份子更細更被皮膚吸收，信不信由你，不過花灑頭出水係柔和舒服的。小小的房間都有玄關脫鞋位，感覺乾淨。備有浴衣，床頭USB叉電，書桌上另有固定叉電線。提供日本手拭並教導使用方法，宣揚日本文化。

走廊外有飲水機及咖啡機，我眼大睇過籠，臨離開時影相至知有咖啡機，結果無飲過，蝕左😜

最最有意思係酒店附設大浴場，可惜我又居然無去，因為每晚返到酒店都飽到唔願郁，今次真係蝕到入肉 (相片取自官網)

儲印仔咭，完成入住一晚送一個印，儲兩個回贈1000yen，5個回贈3000yen。不過有限期，每年度的印仔只可以用到下年的二月。