Foodie 生活雜誌

(一行到上去條街就見到呢個大貨櫃放在街上，但無研究，醫肚先。 )

漫步香港 ： 北角堡壘街

天氣轉涼，又開始我四圍貢的日子，近年有個奇怪嗜好，喜歡逛街睇餐廳。因為喜歡試食不同餐廳，結果餐廳帶我去不同地區，今次我去左北角堡壘街。堡壘街係北角英皇道轉上去的一條小街，大鄉里的我從未來過，亦唔知有呢條街，今次係為一間咖啡店而來，遲下會分享。一上到去見到有個大貨櫃放喺條街，心想邊個咁把炮？原來條街分兩段，前段好多餐廳商店，後段係私人的，內𥚃多數係整車店、洗衣鋪，補習社，靜悄悄的一個小社區，同下面熱鬧的英皇道有好大對比，食完嘢，行埋隔離明園西街，睇我最喜歡睇的舊樓，眨下眼又過左一晝。

街上有兩間素食店，都幾多人幫襯

無肉食.....希望唔係講生意盤數

行過呢間火鍋店，被室內裝修吸引，條紙紥龍好靚

仲有設計展

呢架可以行上車頂的纜車，瑞士已經有，多一個理由去瑞士了

行番轉頭至知係條私家路

真係咁寫

後面有一檔上海小食，都幾多人幫襯

舊建築

去到街尾又有個高左的更亭，好趣怪

街尾係掘頭路，要行條斜樓梯下來，香港區特色

明園西街，又係私家路？兩邊車位係停車場，留意下個收費站係一架貨車改裝，兩個趣

舊樓，窗的簾蓬係斜斜地的框，好型

喺地少人多的香港旺區居然有幢空置的樓房

但行到去後面又會有幢平房，有人住的，真正靜中帶旺

一條街，一點新一點舊，香港街道特色