Foodie 生活雜誌

10/2018 光顧

之前兩夫婦在西環開設Pasta Inn，價錢實惠味道不俗，但因為開喺西環地鋪，知道呢類家庭式小店一定捱唔住，果然然係敵不過貴租，三年租約一完就結束了。睇雜誌介紹，見兩位捲土重來，應該係吸收左上次的經驗，今次選址荃灣中心，舊式私人屋苑的商塲內，若非區內居民，相信係非常難揾。店子小小，但反而覺得適合，提供定食套餐，炸豬扒、燒魚、漢堡扒、pizza等，簡簡單單，住家的感覺。見到小店平日晚上排長龍，今次應該可以維持落去了，但願兩位要保重身體撐下去。

西環店分享 (已停業)

https://hearoom.pixnet.net/blog/post/321847194-pasta-inn%40西環-%28closed%29

小店有商場鋪位內，我係區外人，只覺商場九曲十三彎，唔易揾。店子小小，繁忙時間門外放上小枱，街坊生意，無所謂了。

簡單套餐，街坊生意，唔使太講究，價錢實惠食物實際就得。套餐有例湯或沙律，另有飲品選擇

自家製肉醬漢堡拼日本香草香腸定食 香腸係現成，漢堡juicy柔軟，肉汁帶甜，配白飯及麵豉湯，難得食完唔口渴

原條燒鯖花魚配柚子醬油定食 鯖花魚外皮香，魚肉嫩滑，大大條，份量足

和風咖哩吉列豬扒飯定食 和風咖哩味道一向帶甜，薄薄的金黃色吉列外層包住豬扒，豬扒頗鬆化，心機之作。

入去之前等左一陣，出來已見大排長龍，得兩個人做，一個廚房一個樓面，睇怕都係收鋪後至有時間洗碗，生意應該無問題，希望體力可以捱落去