Foodie 生活雜誌

住宿離Seljalandsfoss只有十零分鐘車程，諗住就算當日唔夠時間去Seljalandsfoss，第二日可以補番，而且比起附近的住宿價錢，呢間算平。住宿地方位於公路旁的山腳下營地，有十幾間供二人入住的小屋，另有幾間兩房的木屋，營地簡單無設施，似一個驛站。積木般的小屋雖然外表似臨時房屋，但內裡基本設施齊備，不過入住後記得立即check 清楚熱水暖氣供應有無問題，因為我當晚想要多個暖爐，晚上係無法聯絡職員的。

資訊 :

於booking.com鍵入酒店名即可找到

營地雖然在公路旁，不過放心，並非貼近公路，到達後會見到右手面的大屋，係辦事處，但我無去過，後面的小屋係一房cottage，可供四人入住。

我地住呢款積木小屋，門外可以隨便泊車，唔阻人就得，我地租左兩間屋，泊中間

訂單要先付款，就算在booking.com 訂都一樣。住宿採取全自助式，於確認付款後，會收到send email通知入住小屋的號數及門口密碼，整個住宿期間一個職員都未見過。

室內非常簡單，一桌兩椅一梳化加個開放式廚房

睡房好細，一開門就係床

衛浴清潔

簡單廚房，咪諗住煮大餐

落地大玻璃，若唔落窗簾就似真人表演show的玻璃箱，不過窗簾落唔落都無所謂，反正無人會經過

從小屋外望景色，若天氣好，極光完全一覽無遺

住宿介紹附近有一個天然暖水泳池，在瀑布旁，天真的我一開始以為就在住宿旁，實際係應該要行一段路才到吧(圖片取自訂房網站)