Foodie 生活雜誌

酒店在山腳下，酒店範圍內有好幾間小屋，但房間及餐廳都在主樓內（箭咀指住）

冰島稱得上酒店的住宿，價錢都唔平，所以我全程都係入住airbnb 或cottage 小屋。不過為左配合明日Jökulsárlón冰湖遊，所以選擇在Hof過夜。Hof一帶住宿選擇少，價錢貴。因應個人條件所限，我焗住揀呢間 ，亦係全程唯一入住的酒店。酒店設施一般，實在唔值呢個價錢，若果唔係與太后同行，我寧願揾間平價的求其過一晚就算。講番間酒店，房間無廚房，附近好荒涼，四圍都唔見有其他餐廳，客人可以在酒店內餐廳用餐，但記得預訂。酒店會於入住前email問你訂唔訂位，我都選擇在酒店內用餐。房間分兩種 : 有衛浴或共用衛浴，訂房時請注意。

資訊 :

經booking.com預訂

主樓，到達時又落大雨，第二日又一早走，無心機四圍影

酒店細細，分兩層，reception，public area 及餐廳在一樓，裝飾滿滿的北歐風

選擇家庭房，一張雙人床加兩張單人床，一字排開，房間就係咁大，一眼見哂，索價$3000鬆d，包早餐，晚餐另計，好肉赤。房間在下層，房間後門直通停車場，可以由後門搬行理入房，唔使學我搬成層樓梯咁辛苦。

好彩房間係新裝修，尚算乾淨

標準衛浴設計

水壺只用來裝水係常識，要寫到明，水壺一定曾經受左好多委屈😢

共用浴室的房間在二樓

共用衛浴整潔，面積大

餐廳

是日晚餐，我地選左pasta，羊肉三文治及雞卷，味道不俗。早餐係一般歐陸早餐，自助形式，麵包cold cut等食物，無熱食。