Foodie 生活雜誌

旅館分四款房間 ：花之藏、木之藏、谷之藏及山之藏，每間房都有個室風呂。我的心水係三樓的木之藏及地下的谷之藏，最後揀左3樓的木之藏，因為喜歡個風呂。房間舒適，地方闊落，廳房分明，可能房內唔夠光猛，房間唔夠光鮮，有點點舊的感覺（我𠄘認我對房間要高較高）。一泊兩食晚餐菜式精緻美味，用心煮，早餐豐富，侍應雖然唔識英文，但仍努力同我地溝通，提供專業服務，非常感謝，旅館又安排一位曾於加拿大留學一年的服務員接待我地，賓至如歸。

木之藏房間在三樓，走廊有門隔開，感覺多點私隱，同層有山之湯 貸切風呂

房門口，訂房時安排左兩間在隔離，方便照應

玄關 

鞋櫃上有一排水筆，可以在拖鞋上畫上記認，好有趣

一入門首個間隔係洗面盤，另一邊係衞生間

再入係客廳，中間有個窗，睇到睡房及露台

入房後職員介紹房間，順便預約埋貸切風呂，ipad睇到時間表，睇哂預約情況，一目了然，好方便

小小pantry，雪櫃內只有水係免費

和洋式房間，年紀大，都係瞓床啱我d。

露台望到河川景，露台同風呂相連。

風呂面積適中，淋浴及風呂在半露天，淋浴時幾凍

餐廳

個室晚餐

菜色以西日式烹調

見到每人有一枝小小氣酒，至記起訂房時揀左「女子會週年plan」，見到枝酒同個杯，真係有少少驚喜

由於餐單每次入住都不盡相同，唔打算遂碟講。總之係菜式精緻味道好，最突出當然係有埋龍蝦的刺身拼盤，有姿勢有實際

早餐在同一房間，窗外一片綠，紅葉季節來到一定滿窗秋色

西式早餐

日式早餐，好豐富

同塲加影谷之藏房間參觀。由於之前我曾經想訂呢個房型，所以請職員帶我睇下

日式房間，瞓TATAMI

房間在地下層，靠近河邊但不見河，露台及露天風呂開陽