Foodie 生活雜誌

9/2021 光顧

喜歡的中菜廳，食物精緻美味，裝修高雅舒服，係背景音樂大聲左d，侍應親切服務好，雖然價錢唔平，份量又少，但大廚成日有新菜式，隔一排會食下，就當食西菜fine dining 好了，二人食剛剛好。

餐前一杯菊花清茶

前菜海苔腰果好味

油雞樅菌涼拌魷魚鬚 川辣味調味剛好，麻辣味香，爽口又帶點軟糯的魷魚鬚伴青嫩爽甜萵苣，油雞樅菌香，好味

蜜燒鳳肝果香多士 鳳肝口感甘腴，蜜味清香，下墊一塊漬鳳梨，解膩增甜，雖然明知高膽固醇，但食落完全無負擔，真開心

夜香花冬茸蟹肉田雞羹 要預訂。湯羹足料，蟹肉甜，田雞肉滑，配大量冬茸，啖啖豐富，味道香甜，good

糟鹵杞子低温乳鴿 酒味香而不濃，鴿肉嫩滑，已起骨，啖啖肉。

梅菜肉末脆飯伴羊肚菌汁 又係要預訂，賣相趣緻，一個炸飯球，侍應淋上熱騰騰又香濃羊肚菌汁，香噴噴的梅菜肉末喺飯球內，切開飯球裝入碗內，炸過的飯球外表似飯焦，食落似食煲仔飯，頗有驚喜

薑汁香梨奶凍拌至尊鳳梨酥 最喜歡係餐廳的食物都食到原味，薑有薑味，鳳梨酥外皮酥鬆，鳳梨蓉味濃，造型精緻，食得開心

敬送甜點 綠茶曲奇酥脆，蝶豆花椰汁糕的一抹紫色好靚。味道當然都係好

正當想用濕紙巾時，侍應自動自覺幫我打開，服務細心。