Foodie 生活雜誌

10/2018光顧

$75件蛋糕，打下問下我都唔會食，係以前善長請我食過幾次，自己比錢就未試過。朋友介紹有weekend brunch set，main course 加一件cake再加咖啡套餐收$188，感覺價錢合理點。main course 賣相精美幾好食，蛋糕及餐飲可以在餐牌上任點一款，原本諗住main course 的 size只夠比雀食，個餐唔荒飽，點知食完又夠喎。最重要係太后好欣賞件cake，話要擇日再同老友記來，連太后咁奄尖孤寒都肯自淘腰包來食cake，難怪餐廳門外日日排長龍。

藜麥脆餅伴炸流心蛋 藜麥煮得軟身，好多餐廳煮到好有咬口，咬到牙軟。脆餅內有芝士及磨菇，好香好味，炸流心蛋好少見，破開後蛋黃與脆餅同食，似食risotto

上碟後再淋上淡淡的忌廉汁

Cabonara  蛋汁薄身但掛麵，露筍薄片拌入意粉內，清新得來味道更有層次。只係稍嫌汁的份量太多，似日式的半湯意粉

蛋糕分別點左玫瑰千層同熱情果千層，玫瑰味清新，無人造香精味，但太甜。熱情果酸酸甜甜，太后好受落

咖啡一般

店面以白色配鏡為主調，加上水晶燈，營造高貴感

多款蛋糕選擇

用法蘭西皀液，加分