Foodie 生活雜誌

8/2016 光顧 

希望愈大失望愈大的一間餐廳。book位時要信用卡確認，又send 個長長email 講cancelation policy，搞到好大笨象咁，去到原來只得幾枱客。餐廳地方舒適，氣氛casual，每人點左個3 course 餐，侍應將每道菜形容到係人間美食，可惜廚師配合唔到，無論擺碟同食味都普通，感覺over price。

 Amuse-Bouche   隻蛋入面係磨菇忌廉湯，好滑好香

Amuse-Bouche 份子料理 seaweed 包住olive，一啖放入口咬破，似olive味的水波波。

Amuse-Bouche  百合花蕊 香香地，帶點草青味。主要係食個汁

每人點杯non-alcohol cocktail 我點果杯green forest 特別細杯，蝕左

麵包好味

頭盆講到識飛的蟹肉，又話新鮮又話個蟹膏牛油汁超美味，可惜我只食到一條蟹柳加牛油味的汁，蟹肉係鮮甜，但水準好一般

main course 我選龍蝦，喜歡食藍龍蝦，肉質較實，龍蝦尾roast cook， 隻箝配豆炒香另外用碗上，呢個味道唔錯

朋友點的宮崎牛，我最怕 steak 外面卷層麵包，好少整得好食，所以無點，結果朋友都話無左會更好食。試左少少，無左和牛的juicy，反而似澳洲牛的肉質，較粗，但又唔夠牛味，失敗。

朋友點的羊 羊肩加羊鞍，係幾嫩口，但一般高級餐廳都做到呢個效果，唔需要比呢個價錢

諗住止蝕唔點甜品，但成晚流流長，無理由飲水飲到尾，唯有點埋，點知有驚喜，梳乎里真係好輕好鬆軟，朱古力味好甜，薑味清新剛剛好，非常讚，唔知下次可唔可以只點呢個？

藍莓cheese cake cheese cake 焗軟，味道淡淡的，新鮮藍莓醬放在瓶內自己加，好味

宮崎芒果配拿破侖

訂位時講左在坐有人生日，餐廳送個小小White chocolate cake

一塊朱古力咭

petit four

小禮物 petite madeleine一塊