Foodie 生活雜誌

1/2019光顧

近年去日本的行程安排都會加入西餐，因為日本人做事仔細認真，西餐都做得好精緻。知道呢間係日本人開的高檔西餐廳，加上介紹吸引，好有意慾一試。餐廳門面非常低調，內裡高雅舒適，一般的高檔餐廳裝修，全餐廳只得約十幾個坐位，其中三份二係吧枱位，只得一張六人枱，好似我呢類孤獨試食家來就喘哂。餐廳走高檔路線，午餐分2、3或4 個course，晚餐係Omakase ，$1680起跳。餐廳由主廚一人獨力主理，食材高級揀手，份量足，食完飽足一日，可惜味道偏濃，唔合我口味。

餐廳外表低調，好易走漏眼

午市套餐，任選二、三或四個course，個別食物要另外加錢。我當然係選四個course

金屬餐具，瓷杯，款色頗同好多新派高檔餐廳差不多，無特色

香草包 磚型的包香草包自家製，外輕脆內鬆軟，濃濃的香草味，不俗

是日沙律 由多款蔬菜拼合而成，每款一件，kale,紫蘇，小洋蔥，小蘿蔔，蕃茄，仲有好多不知名的蔬菜，其中一部份於焗爐焗熱，少少脆，另一部份凍食，口感不同，配上不同醬汁 : 蘋果醋泡泡、辣椒泥、南瓜泥及椰菜花泥，味道清新多樣化，最後用麵包抹埋醬汁食，讚

洋蔥湯 從焗爐取出，熱辣辣，濃濃的洋蔥湯配上厚厚芝士，口感極佳，可惜味道太濃，要配麵包減咸，唔多啱我

紅蝦意粉 用龍蝦熬出來的醬汁十分香濃，不過又係同一問題 ：太重口味。紅蝦有5隻，好足料，但size偏細，若轉兩隻中size會更好，不過成本會較高，而且烹調亦更考工夫。蝦肉僅熟，保留鮮嫩，但唔夠啖啖肉，蝦頭的膏亦唔夠鮮甜。

綠茶雪糕配芝士雪芳蛋糕 蛋糕有海綿感，綠茶雪糕香濃。

capsule 咖啡 特別在朱古力藏杯底，攞起杯至知，神秘禮物？

餐廳室內設計以木材配合石材，以燈光營造氣氛，感覺優雅。只有一張6人枱，其餘為吧枱位，近年時興的設計

吧枱圍住就係廚師的舞台

我坐吧枱邊位，可以睇大廚表演

舞台道具主角係呢個用備長炭的焗爐

旁邊仲有個炒栗子機，餐廳有好多玩意，主廚好有心思

洗手間內除左一般日本餐廳有的漱口水，洗手液，handcream等提供，仲有眼藥水，面部噴霧等，好細心