Foodie 生活雜誌

1/2019光顧

中環大館活化項目，之前行過一次，非常喜歡，同少爺仔再來，先到Madame Fu 飲茶。其實大館內的餐廳比我印像都係貴夾唔飽，不過見到呢間評價不俗，即管試下。估唔到有驚喜，餐廳佔大館營房大樓3樓全層，充滿英國殖民時期風情，每個房間不同佈置，不同命名，風格不同，但一樣高貴典雅，我好欣賞，影相影得好開心。食物亦唔求其，點心水準不俗，價錢係酒店價，但唔會貴得離譜。不過下次我更有興趣來嘆低茶，幾個閏蜜喺pink room 吱吱咋咋，應該會好開心，但坐長廊又好似幾好。晚餐太貴，不過可以考慮來飲番杯。

(大館有限制入場人數，要在網上登記後才可進入，不過若在館內餐廳訂位，只要於入口處告知職員，職員同餐廳核實後就可以內進，之後亦可以繼續參觀大館。)

坐𨋢上3樓，步出𨋢門就見Reception， 露台長廊，坐喺度低茶應該唔錯，不過食點心枱的高度唔多就。

被安排入坐的 The Grand Cafe

牆上的畫睇啱可以買㗎

可能因為室內太多顏色，所以用全白餐具

喜歡隻茶杯，有通透感

點心味道不俗，燒腩仔皮脆肉嫩，蒸餃皮薄饀靚，安格斯干炒牛河牛肉嫩滑肉味香，但油膩左少少，仲有西式tapas 可以選擇，擺碟無雕花，感覺良好。

點心價錢合理

The Artist 私人房間，只得一張枱。喺介紹呢間房比少爺仔的時後，我好陶醉地講 : 呢度建築好有歷史價值，所有牆壁、窗框都保持原貌翻新，之後又指住呢度、嗰度，介紹舊物，點知佢突然指住架餐車問我 : 呢個係咪舊？我就明白原來得我一個陶醉，無癮地離開房間。

The Whiskey Room 

餐廳分左右兩邊，一邊係用餐區，一邊係酒吧區。之前相內的房間在左邊，而家去右邊

露台用桌椅畫分三部份。又一組不同的桌椅，喺百頁窗同綠色植物襯托下，好有殖民時期的南洋風情

頑皮猴子爬上樓頂

另一組露台桌椅，色彩艷麗，配合酒吧氣氛

Fu Bar 充滿英倫感覺

高貴的孔雀，孤芳自賞

The Pink Bar 粉紅世界， 好fancy，最啱閨蜜來嘆低茶

好喜歡個波波吊燈

有花有香氛，好女仔

The Library 房間細但覺唔侷促，感覺清靜，入來睇住書飲杯嘢，過一個下午應該不錯