2019東京伊豆遊遊記篇 Teamlab Borderless@ 台場－Foodie 生活雜誌

Teamlab，近年火紅的藝術創作團隊，於不同塲景，不同空間，結合電腦技術設計的光影圖像展示出不同效果，參觀者置身其中，如進入非一般的視覺空間，感覺超現實。之前Teamlab在日本各地的不同地方表演光影魔法，聲譽日隆，之後衝出日本，於世界不同國家展覽，我曾經喺台灣及丹麥睇過，非常喜歡，但所有展覽都係期間限定。而家Teamlab在日本正式成立永久展館，當然要去朝聖。前往展館的交通頗複雜，我懶得研究，反正有四個人，喺東京站直接坐的士去就算（車費約4000yen 左右)，展館雖然已開幕年幾，但仍然好多人，建議先上網購票，場館比我想像中細，其中幾個項目我都睇過，只有兩個項目有驚喜，不過團隊好聰明，喺附近又有個Teamlab Planet，展出另外幾個項目，變相又要比多個入塲費。呢種千變萬化的藝術，創意無限，真係長做長有。Teamlab borderless隔離係outlet，參觀完可以去血拼。

我已經預先網上購票，個系統好得意，付款後唔會有入塲券，主辦單位要於入塲前一日至將電子入塲券email比你。雖然已有票，但來到仍要排隊，好彩天氣涼又唔算排得耐，可以接受。要留意Teamlab Borderless同Teamlab Planet喺不同地方，前者喺台場，後者喺豐洲，唔好買錯票去錯地方。