Foodie 生活雜誌

整個旅程最令我滿意的一餐。餐廳由兩夫婦主理，男主內(大廚)，女主外（樓面）。食材優質，食物美味不在話下，擺碟同配搭都充滿心思，令我喜出望外，難得餐廳氣氛唔拘謹，餐廳主人友善，我地係最後一枱客人，離開時餐廳代召的士，夫婦親自送客，下次去東京一定要再去，期望再有驚喜。不過訂位較煩，可以致電訂位，但餐廳只於10:00-11:30, 3:00至6:00接聽訂座電話。若網上訂位要經飲食網站，有手續費。

資訊 ：

HOMMAGE

http://www.hommage-arai.com/en/

Amuse bouche  四款小食垂直排，似一排恤衫鈕扣，好別致。由上而下 ，分別係 ：

豬油包住蔥及竹筴魚。食的時侯唔知係豬油，只覺得口感好特別，似一層彈性薄膜，特別再攞餐單睇至知係豬油，但一點都唔油膩。

蘑菇啫喱竹炭撻 蘑菇味啫喱味濃郁，竹炭食物係近年潮流，好有趣的一個撻

鵪鶉蛋外沾滿木魚花及乾番茄磨成的粉，好香

粟米脆脆包住半溶的parmesan cheese，香口小食

全杯都係椰菜花，底部係加左花生醬的椰菜花mouse，中間係普通椰菜花mouse，mouse 清甜，最頂鋪上不同顏色的椰菜花碎，又靚又好食。

加錢點的海膽。 花生醬mouse蓋住鮮甜海膽，底部係香檳啫喱， mouse 同海膽味道太搶，已經食唔出啫喱味

麵包時間，條牛油同隻杯一直喺枱上，我估唔到係乜，以為係芝士，但個杯又點解釋？原來用來放橄欖油，橄欖油好質地好厚

原來係咁

麵包好食係意料之內

席間送左對筷子做紀念品，包裝好有品味，我成晚諗係即刻用來食飯定係紀念品，所以敵不動我不動，放喺枱面先，食到最後見女主人無叫我用筷子至放心收好，大鄉里。

縞參  用蘿蔔包住縞參刺身，再放上魚子，用鮮花點綴，下面係紫菜powder，好清麗的花園。

加上芝士汁，開動！淡淡的芝士汁配鮮甜的刺身及清甜的蘿蔔，味道好夾

煎甘鯛魚，魚塊下係baby blue mussel 同日本洋蔥。魚皮連埋魚鱗，煎得香脆crispy，魚肉嫩滑，mussel鮮嫩，洋蔥甜，最特別係配白果腐竹sauce，帶點中菜feel，豆味香，very good👍🏻

另一個包

牛肝菌加芝士餡雲吞法配黃酒湯 芝士雲吞味淡，配黃酒湯好夾，牛肝菌肉厚juicy，又一道好菜

鴨肝醬凍食，最正係中間夾左無花果片同ham，味道層次豐富

鴿肉 有胸肉及腿肉。鴿胸皮香肉嫩juicy，配上用鴿肝做的gravy，好味。至於鴿腿則打碎，加蛋及liver做成肉凍，放在用蔬菜砌成的盒內，非常仔細，腿肉做得好滑，同胸肉兩個對比，好出色

甜品時間 蛋白包芝麻汁 變種湯丸

啫喱杯  日本梨配柚子啫喱，底層係mushroom cream，新穎配搭

雲呢拿雪糕加蛋白蛋糕

蛋白蛋糕外型似普通西餅，原來內有乾坤，面層食落口感似泡沫，蛋糕切開有甜酒流出，一d都唔簡單

小型人形燒，好趣緻

法式小點canelé，雖然已經好飽，但canelé外脆內濕潤，做得出色，點忍得住

實在太飽，放棄咖啡，一壺香草茶更舒服

餐廳在淺草的住宅區內，我夜晚行入去，靜英英，幾驚去錯地方。餐廳門面低調，樓下係reception 及衞生間，餐廳在樓上，面積唔大，只得十幾張枱左右，餐廳有dress code，食客好斯文，個個陰聲細氣傾偈，搞到我地幾個女人都要收歛下，餐具簡潔清雅

玻璃杯的玻璃好薄，我一度以為係膠杯，但物料好薄，又唔似係膠，何況餐廳咁講究，點會用膠杯？第二日謎底解開，喺築地見到隻杯，原來係手工製玻璃杯，只有0.1mm 厚度，全隻似用模啤出來，好勁