我將呢間旅館稱之為「鬼迷心竅」。話說我喺網站上對旅館一見鍾情，不理路途遙遠，不理酒店無接送，要付高昂交通費，不理館內無大浴塲，一心一意要去住一晚，撞邪一樣，結果失望而回，仲連累團友浪費金錢，真係過意唔去。
旅館喺相內睇佔地廣闊，面向富士山，設計簡約有型，心想昨晚入住傳統風格的河邊溫泉旅館，今晚入住不同風格的現代化海邊温泉旅館，安排好好。點知來到至知旅館並非在海邊，而係在山上，只係見到海（我堅係鬼掩眼，睇番網站相都睇到係山上，可能訂房時主觀願望蓋過一切），附近仲要係農田及民宅，環境跟想像落差好大。雖然房間豪華舒適，室內露天風呂頗大，但全館除左餐廳以外，無任何設施，加上入住的兩日天氣都差，富士山被雲霧遮蓋，連影都見唔到，我唔係富士山控，但都搞到心情極鬱悶。兩餐食物一般，跟年輕職員閒談時，忍唔住問旅館有乜條件收咁貴，店員都好坦白地答覺得收費overprice ，但佢估費用放左喺酒店設計方面，因為房間用料上乘。
一間我首次覺得伏的温泉旅館，相都無乜心機影。雖然網站上的評價係五星，而網站亦係我一向用開的，我唔會懷疑係做假，所以只能講句鬼掩眼。感謝我的團友，喺我自責時仍然落力安慰我，要知佢地從來同我去旅行都不問價錢不問內容，所有行程旅館餐廳全部任我作主，結果好與壞都從無怨言，好感謝呢班讓我任性的團友，亦因為咁，攪到我愈訂愈貴，被寵壞了。
資訊
Futaritowani En (一泊二食)
Add : 靜岡伊豆市小下田徑1341-4
Tel : 0558-96-1692
註 : 修善寺温泉觀光案內所可免費存放行李及代電召的士，內文有介紹
先講交通。由於我於修善寺出發，路途遙遠，旅館無提供接送。可以選擇坐巴士或的士，兩者所需時間差不多，因為唔想被巴士的班次規限，加上有四個人，決定坐的士。之前一晚入住附近温泉旅館，離開旅館後，旅館車直接到修善寺温泉觀光案內所，存放行李後步行十分鐘往修善寺温泉街遊覽。
行李直接交予職員，取回收據，領取行李時出示收據就得。我當日只放手提行李，若放大型行李未知是否可行，有需要請自行詢問。放好行李後，再請職員代訂的士，約好時間就去觀光了。
於指定時間回到案內所，豪華的士已在等候。由案內所至温泉旅館，車費約11,000yen
若坐巴士，於修善寺車站開出，喺旅館對出馬路有巴士站「富士見園」落車
旅館四周係農田
若坐巴士，落車後要再行一小段路
我坐的士，當然送到門口
reception 好細
welcome snack 抹茶同蛋糕都好對版
reception 外接餐廳。餐廳外的露台，坐喺度欣賞富士山及晚霞，可惜入住兩日天氣都唔好，乜都睇唔到
旅館的豪華客房，若以我目測外觀，呢個環境，我真係覺得唔值咁高收費
晚上打燈
呢個圓台係酒店設計特色之一，可以喺度遠晀富士山景，睇相好有型，實景麻麻
另一面的排屋，我入住的房間在其中
往房間走廊
房間全部為獨立屋
進入房間
始終係新旅館，房間新淨，舒適明亮
牆上有花藝師Nicolai Bergmann的作品，我就唔多懂得欣賞
每個房間及餐廳都有Nicolai Bergmann的作品，可能因為有設計的元素，酒店成本又高左，不過我唔欣賞就唔覺係價值，藝術就係咁，喜歡就喜歡，不喜歡就拉倒
房間的welcome drink
小小pantry，設備齊全
浴衣新淨，質料好，pattern靚
房間外接露台
可惜天公不作美，兩日的天氣都麻麻。不過入住前一星期日本東部有嚴重風災，我去得成個trip都已經感恩，世事無完美
半露天風呂，四個人浸都夠位
請自行幻想富士山景
法蘭西出品洗護用品
餐廳 我講唔出係簡約設計，只覺簡陋
晚餐被安排坐房間
晚餐係法日式，睇評論給予膳食好高分，亦係我入住的原因之一，不過食完後感覺一般，有點失望
餐後回房間已經見到有消夜準備，不過我無食
翌日早餐，坐大廳
早餐有西式及日式選擇
離開時旅館送的記念品
仲有盆栽，當然無收下
旅館代訂的士，並非之前的豪華房車。回程直接到修善寺車站，車費約13,000yen
type b
留言列表
香港食食食 (25)
