Foodie 生活雜誌

1/2019光顧

朋友帶我來的私房菜館。喺舊樓單位內，裝飾清雅，食物擺碟及餐具有心思，走中檔路線，但似乎注重色相多於味道，食物口味較清淡，唔啱我，水準一般，試過就算

菜館在舊樓內，地方乾淨四正

單位畫分為三房一廳，每房一圍枱，大廳有兩圍大枱。

我地座大房，有梳化，不過放左大枱，坐滿人都無地方行。

當晚餐單。套餐唔包飲品，無茶水提供，不過喺點飲品後再點熱水都有比。

小食 避風塘炸魚骨

精華六小碟 (介紹由左至右，上至下) : 話梅苦瓜、四喜烤夫、拍青瓜、柚子芭樂、海葵沙律、

熏魚。一般冷盤，平平淡淡，味道無突出之處。

日月魚燉響螺湯 湯放在紫砂茶壺，保持温度，飲落每一口都熱辣辣，湯清甜入味，不俗

香賓川汁蜂巢大蝦燒 大蝦用生麵條纒住再炸，呈蜂巢狀，上碟時似百花齊放，好吸引。大蝦彈牙，包住蝦的麵條炸得香脆，配上帶點酸辣的川汁好開胃。但就食得呢hea，雖然蝦身己去殼，但因為隻蝦用竹簽串住，蝦肉黏住竹簽，一拉條簽就會麵蝦分離，做唔到麵纏住蝦來食的口感，有點可惜，加上麵條脆口，彈到四圍係，真係糟蹋左大廚的心思。

花膠北菇扣玉掌 上枱時好吸引，花膠肥厚，可惜完全無味，北菇及玉掌都叫做有少少味，呢類菜要花時間去燜到入味，但大廚似乎無花時間去做，浪費左材料，不過玉掌軟腍，西蘭花幾嫩口。

私房菜人頭計，自己攞自己一份😁

金蒜蒸深海龍躉球 每位上，龍躉球啖啖肉，金蒜香口，不過豉汁太多，放在小碟內浸住龍躉球， 感覺油膩

南梅汁脆元貝綠茶凍 又係兩個字 ： 無味。唔知係咪我味蕾閉塞？下晏明明無事。

鮑魚絲燴雙翡翠 雙翡翠即係紹菜同豆苗，又係同一問題，食物被茨汁浸住，有時遂位上無錯感覺係精緻高級點，但未必每樣菜式都適合，好似呢碟同龍躉球咁，就算係遂位上菜，都可以考慮用一個深度較淺的食器？

櫻花蝦炒飯 各位睇開我寫食後感都知我寫炒飯只識寫乾唔乾身，呢個炒飯實在太乾，乾到飯粒都有點硬，梗左半碗放棄。（我真係要用個梗字，實在太硬）

甜品桂元茶 紅棗雪耳桂元糖水 甜度適中，問題又出在食器上，形狀古怪，感覺似小朋友食茶點，杯口細容量深，舀得唔多就手。