Foodie 生活雜誌

(睇個英文店名，店主應該對自家出品好有信心。店址已幾度易手，之前的店都做得不錯，可能因為加租而結業？希望今次做得長)

1/2019光顧

即係食客會開支酒食小菜的中產小菜館，裝修清簡，以白色為主，有種窗明几淨的感覺，店子小小，只得幾張枱，假日每次行過都滿座，決定叫朋友來一試。當晚點的小菜水準有高有低，但總括來講係唔錯，招呼好，價錢亦比我想像中低，若住在附近的可以一試。回來上網睇至知小店係食順德菜，但我今次點的菜色比較大眾化，有機會要再來試下特色菜（例如金錢雞）

蝦多士 不油不膩，麵包香脆可口，蝦肉鮮甜彈牙，好味

咕嚕肉 茨汁濃稠及酸甜度剛好，掛肉，外皮欠酥脆，肉質柔軟，水準一般

椒鹽豆腐 外皮炸得唔夠乾身，內裡的豆腐唔夠滑，鋪上豆腐上的炸蒜好香，搶番點分數

小炒王 韮菜花清甜、腰果香、梅頭肉軟腍、蝦乾惹味，各種配料炒埋一碟，幾好味，稍嫌油左d

肉碎生菜包 肉碎切得細碎之餘有咬口，加入冬菇、松子及其他配料，口感豐富，炒得乾身，用爽脆的生菜包住，好味

魚香茄子煲  全晚最差的一道菜，油浸咁款，見到鍋油已經唔想食，免強夾左一件矮瓜，重係無味的，完全失敗之作

招牌炸子雞  一般酒家的炸子雞，皮香肉滑，唔覺得特別出色，又唔係差。

豉油王炒麵，唔夠鑊氣