Foodie 生活雜誌

瀏覽網頁時被呢間對海的温泉酒店吸引，温泉酒店對於我就如景點，點知入住後真係覺得係一個景點  : 一個温泉樂園。訂的時候唔知情，話説温泉鄉的酒店通常開滿一條街，誰知今次入住的係同一集團旗下相連的五間酒店其中一間，温泉設施通用，即係住一間酒店就可以享用5間酒店的温泉！每一間酒店內的温泉又有多款温泉，加埋自己房內的風呂，真係要多幾個body 至浸得哂。但最其怪係温泉浸完後有一陣漂白水味，浸的時候唔覺，但浸完就似去完泳池游水一樣，大打折扣，呢個經驗真係從未試過，但第二日又無事，究竟係咩問題？酒店房間寬大舒適，遺憾係雖然訂非吸煙房，但其中一間房入住時仍然有煙味，要經職員整理後才能入住，早晚餐水準一般。

資訊 :

淡路 渚之莊 花季

地址 :兵庫県洲本市小路谷1053-16

電話：0799-23-0080

一入酒店就見到呢個海景，身心舒泰

可以喺露台觀看日出日落，嘆咖啡

若嫌太冷，可以去開住暖氣的茶室繼續欣賞海景，留意每張座椅都唔同款

我最喜歡呢個位

天氣冷了，暖爐出動

浴衣色彩繽紛，牆上的「花」字好突出，應該係井上有一先生的作品？

閱讀室，有免費雜誌及飲品提供，咖啡杯有暖櫃暖住，好細心。

我入住酒店的温泉，最特式的係貨切温泉，要另外付費。由於其他酒店有太多選擇，今次完全無使用自家酒店的温泉 (相片取自官網)

晚餐食味同食材都一般，無驚喜

早餐係自助餐

酒店有三十幾間房，我入住的一幢名為玻瑠香，所有房間向海

一入房間就會被呢個無敵海景吸引

房間簡約舒適，有我喜愛的sou sou 布藝

房間風呂連浴室

臨海風呂，爽YY

欣賞日出及月色

露台

嫌太冷，喺室內沏茶繼續放空

我入住的酒店係五間酒店中的第一間，從房間露台向外望就可以見到其他四間酒店，其中一間要坐船過去。所以實際只可享用其他三間酒店的温泉。

酒店floor plan，每間酒店風格都不一樣

有通道連接，落雨不怕，落雪也不怕

三間酒店，有三個大型温泉，不同的温泉有不同特色(相片摘自官網)

我另一個温泉對正日出。

一早已經好多人來睇日出

今次的開心大發現係sauna房居然有電視機！我忍唔住偷偷地影低。呢個偉大的設施令我第一次可以逗留喺sauna 房較長時間，激賞！