Foodie 生活雜誌

11/2018光顧

九龍灣，從以前的工廠區慢慢變身成商業區，大型商厦、酒店，甚至國際學校都有，發展成熟，連高級餐廳都進駐。喺高銀金融國際中心內有四間高級餐廳，分別係中(兩間)、法、日菜，開左兩年，講真，初開業時我無想過光顧，一來位置吊腳，二來消費唔平，唔吸引。只係睇開的老饗專欄作者時常幫襯，感覺有信心，決定一試。

用餐經驗愉快，食物不俗，雖然唔算十分美味，但配搭新鮮有驚喜，廚師係新加坡人，菜色帶有亞洲元素，環境舒適，太后未食完已經話想再來，難得佢咁賞面，餐廳每隔個零月轉菜色，決定轉餐牌後再來。

餐廳在九龍灣輔警總部旁的高銀金融國際中心內，大厦幾有氣勢，門口仲有隻匯豐銅獅，唔講唔知係九龍灣。地點好吊腳。九龍灣地鐵站有接駁車，班次時間請自行致電餐廳查詢。我行過來，十分鐘左右，不過沿途無瓦遮頭，落雨就麻煩d。

餐廳大門華麗，內裡裝修以雲石配水晶燈，簡潔高貴

大廳，侍應話遲下會提供輕食

沿住一列酒櫃進入餐廳

餐廳面積大小適中，感覺舒適，另有幾間貴賓房。硬係覺得呢座大厦的幾間餐廳都係開嚟比老闆自己招呼朋友。

餐單每個幾月轉一次，午市套餐分2course、3 course 、4 course。因應自己胃納選擇

另有tasting menu

自製麵包有三款，熱烘烘，一定好食，軟包軟綿綿，橄欖包有點乾，但橄欖好香，小法棍外脆內軟

每款食一半好了，配海鹽牛油

開胃菜之一 杯內係豆豉及香草橄欖油，加入素菜湯，味道特別，全無違和感

開胃菜之二 法式叉燒包 外皮酥脆，內裡鬆軟，不過食唔出有叉燒

我同太后都點左4 course。先講太后的選擇 :

頭盤 酒煮鮑魚，配紅棗泥。鮑魚清甜彈牙

Entree 海鮮意大利飯 蠔肉混入意大利飯，蠔味唔多覺，魷魚柔軟烤得香，插上烤雞皮，加入檸檬馬鞭草，好清新

Main 牛肉柔軟牛味濃，燒汁燴過的磨菇好香。

Dessert  panna cotta 班蘭葉加椰子味好香，稍為甜左d。隻杯幾靚

我的選擇 :

頭盤 鱒魚他他配魚子，龍蝦果凍。造型幾精緻

Entree 簽名菜金湯。味道似中式濃湯，一抹金漆浮在湯面，好有華麗感，大蝦天婦羅炸漿薄，幾香口。

Main 橙香鴨胸 ，薯仔千層酥更突出

Dessert  今日的甜品削左d，唔多吸引，勉強選左酒煮梨加雪芭。ok

亦可以點芝士，我口味無咁西（化）行過影低就算

petit four 係綠茶泡芙，雖然幾甜，但剛好用來中和呢杯勁濃郁的咖啡