Foodie 生活雜誌

2018冰島丹麥遊 遊記篇 Day 4  Pakkhus Restaurant 

忘記去鑽石沙灘就係為左食龍蝦，好彩過左午餐時間仲有得食，其實冰島人幾勤力，餐廳中間無落場時間。龍蝦在Höfn 小鎮，鎮上有兩間著名食龍蝦的餐廳，分別係Humarhöfnin Veitingahús及我今次光顧的Pakkhus Restaurant 。其實兩間水準都應該差不多，我兩間都睇過，覺得Pakkhus Restaurant 感覺良好點就幫襯。冰島的所謂龍蝦其實係海螯蝦，比較細隻，同我地食開的波士頓龍蝦唔同，不過都鮮甜彈牙，最緊要係太后滿意，完成佢今次旅程中的其中一個目標。飯後開車往今晚進宿，從Höfn 往Eglisstadir 要翻過一個山頭，一進入小路已經見到前面的車爆左胎，暗暗心驚，小路係沙地，加上微雨大霧，路面又窄又斜又滑，就算見到景色不俗都無謂落車，免生危險，估唔到上到山上就見到有車跌左落斜坡，我地落車問有無需要幫手，司機應該係當地人，見佢都幾從容，見無嘢可以做到就離開了。今晚住大屋，自煮晚餐後悠悠閒hea下就瞓。

Pakkhus Restaurant 餐廳有點歴史，外表有如貨倉

地下係酒吧，下午未營業，餐廳在二樓

餐廳面積幾大

每人一碗龍蝦湯，湯香濃，大大舊蝦肉，飲完都半飽

garlic 龍蝦，烤得好香口

牛油汁龍蝦，牛油汁香，太后食到唔停口，主動要多份

fish of the day ，唔知係咩魚，不過幾滑，都係烤烤焗焗

餐廳對面就係另一間著名餐廳Humarhöfnin (有橙色蓬的)

餐廳外的海岸，對面就係冰川

小鎮內有滑水梯的泳池，咪講笑，我真係見到有人玩，同見鬼無分別😱我當時係著哂羽絨，佢喺度游水😱😱

再上路，過隧道後就沿住海岸行

微雨大霧，又濕又冷

沿岸拐過一個又一個山的山腰

火山灰形成的山丘

好厲害的一家，媽媽及另一個小孩在後面的單車，有時真係好佩服外國人的旅行精神

路上風景不俗

進入沙石路

駕駛員事後話要打足精神，因為有點跣呔，作為乘客的我當然無感覺

整段路煙雨迷濛，佈滿青苔的岩石同溪流，感覺原始

穿過重重濃霧，到左山上往下望就係一片霧海

為左閃避對頭車，成架車跌左落坑，好彩人無事

簡單晚餐，有湯有飯有餸，好滿足喔