image  

大英雄聯盟

初初睇見戲名「大英雄聯盟」,「big hero 6」諗住實係Marvel果類戲(我對marvel無興趣),睇埋張poster,個細路造型唔吸引,無想過要睇,但身邊睇過的朋友都大讚。的起心肝入塲,睇完覺得好彩無miss 到。

故事講述一個天才少年科學家(被迫)成長的故事。片中的發明充滿想像力,畫面豐富,美國日本融和的街景好有特色,可愛善良又帶點幽默感的機械人,故事傳遞多方面訊息 : 愛、温情、哲理、友誼.....自然得來唔會流於說教,又有感動位,某些塲景仲令我想起'The Incredibles' 'Interstellar' 'Terminator 2',總之係睇得好開心。不過又覺得對一個14歲的男孩來講,3歲父母雙亡,青年期最需要引導時最愛的哥哥意外死亡,到後來用作感情投射的機械人都失去,遭遇未免殘忍左d。

記得早點入塲,片頭的小狗短片(Feast)好窩心。完塲時見出credits唔好立即走,記住坐到最後,仲有少少片。呢個坐到最後的習慣係被Pixar 訓練出來。

全站熱搜

Hearoom 發表在 痞客邦 留言(0) 人氣()