Foodie 生活雜誌

喺香港住窩居，去旅行會想住大少少的房間。呢間中小型酒店，走型格路線，房間唔多，喺狸小路隔離條街，旺中帶靜，合哂我要求。酒店職員英文好好，樂於助人，設施唔算多但夠用。交通方便，坐機場巴士到市中心，落車行幾分鐘就到，從酒店去機場更加方便，轉角就有車站。

地址 :

北海道札幌市中央区南２条西５丁目２９－２、２６－４１

今次租住的房型係「開放式格局公寓」空間夠，地枱床，點碌都得。大廳有茶几及梳化。

電視有netflix，入番自己account，打住糖game睇netflix，同喺香港無兩樣

有個黑膠碟唱盤，樓下有唱片借，可以放張唱片嘆杯酒，chill 下…..我當然無咁做，shopping 要緊😆😆

房間有微波爐、餐具提供，可以食個簡餐。

一般睡衣拖鞋都有，不過亮點係木造的電拖板，型。standard product 可買到差不多的。

衛浴乾濕分離，花洒水力夠，不過好唔明點解個洗手盤要咁大，搞到無位攞嘢。

房間用電子鎖，好方便，讚👍🏻

我住呢層只有四間房，好靜，唔覺有人。

洒店喺街角，對面就係狸小路，附近大把嘢食大把地方行，二条市場都喺附近，我連札榥車站都係行過去。

洒店門口有火爐梳化，冬天來到會好温暖

大堂

可愛角落

酒店好多嘢借，沖咖啡工具、開瓶器、洒杯。

部分房間有廚房，所以有廚具及小電器借，我見酒店宣傳係用房間來開party，又唔錯喎

環保時代，我住三晚，若選擇不需清潔房間，可以換一枝酒，我換左，但結果支酒漏左喺另一間酒店

雖然唔清潔房間，但可以換毛巾，同其他商務酒店一樣，一般物品如垃圾袋、梳洗工具等全部可以喺大堂攞。

遊客區，酒店指引都有中文。訂酒店時寫左check out後唔可以寄放行李，正頭痕退房後點放行李？硬著頭皮再問職員，原來係可以，我估只係唔可以放過夜。

酒店好細心，大堂有圖片例出附近熱門餐廳地點及機場巴士站