close
11/2017光顧
光顧過幾次，每次都好滿意。餐牌不時更換，可以上網睇，啱食至去。餐具擺碟精緻，配搭有心思，食物味道好。服務一流，侍應友善細心，我係文盲，睇餐牌分得出豬牛羊雞就點，今次太后駕到，以其奄尖性格，我驚譯錯，所以揾侍應幫忙，麻煩佢若略介紹下就得，點知佢將整個餐牌由頭到尾，全部用中文譯出來，好似教書咁，期間仲充滿笑容，無一絲的不耐煩，好佩服。可能已習慣招待我呢類文盲？最後重送左個好美味的小蛋糕作為太后的生日禮物，太后食得開心滿意，抵哂👍🏻
麵包好味，amuse-bouche恆常的精緻，今次係甜、酸、咸、辣四款味道的小食，另外有茄子蓉配薄脆
太后點的套餐，佢真識揀，頭兩款要另外加錢 : 海膽魚子醬配龍蝦肉果凍、宮崎和牛。甜品係以蘋果為主題。第一次食宮崎和牛就係喺呢度食，當時驚為天人，之後分別喺其他餐廳，甚至去日本都食唔番個柔軟度同充滿肉香的味道，今次終於重遇。
我就簡簡單單算了。頭盤花瓜Pâté，伴食的seaweed brioche 好酥軟，非常美味。main course 煎魚以茄子泥墊底，味道好夾。個椰子味甜品，睇見都心花怒放，好睇又好食。
用餐後再有小甜品，配咖啡，好似來多個high tea 咁
生日蛋糕係濃濃的朱古力蛋糕，餅底crispy 似食一個大金莎蛋糕，太后飽到上心口都食不停，隊左半個，真係得👍🏻
全站熱搜
留言列表
香港食食食 (25)
