Foodie 生活雜誌

6/2019光顧

日本人開的法蘭西菜餐廳，總店在東京，法日菜系，同朋友來食過午餐，朋友非常喜歡，佢又同其他朋友再來，知道日本店的總廚來港獻技，居然book 左呢餐魚子醬餐，真係喜歡得緊要，雖然我唔多識欣賞魚子醬，但既然有人去，又湊下熱鬧。套餐連甜品共8道菜，pair 四杯香檳，望住個靚景，良晨美景嘆美食，一班食友傾下講下，一樂也。

天公造美，當日全日落大雨，無想過傍晚停雨後天清氣朗，維港景確實係靚

是日餐單

主角係魚子醬，有來自四川及俄羅斯的，孤陋寡聞，無聽過四川有出魚子醬，回家後問G神，原來四川已成為全世界最大魚子醬出口產地！

美食應該配美酒至完滿，豁出去，pair 四杯香檳(平日我一定唔捨得)。侍應每杯香檳講解一輪，我無心機聽，只聽到放得愈耐愈貴，不過每杯份量好少，仅wine tasting 多過wine paring 

第一輪魚子醬出塲，由專人去每枱介紹，再喺盒內取出放在客人手背上，傳統食法，不過見近年好多餐廳都用貝殼匙食。放在口中，用脷輕輕一壓，魚子內的汁液已流出，充滿鮮香，跟之前食過的咸味不同。

枝豆雪紡蛋糕配魚子 無想過會咁配，雪紡蛋糕輕柔，魚子吹彈得破，大家都咁輕，原來幾配合

白露筍 火腿啫喱 適逢白露筍當造，充滿水分的露筍好清甜，鋪上用火腿高湯做成的啫喱，好有清涼感

皇牌牛油brioche ，外皮酥化，內𥚃軟綿綿同充滿牛油香，配上用豆奶同椰汁做成的paste，食到唔停口。

魚子醬海膽醋飯 高級版散壽司

螢光魷魚意大利麵 螢光魷魚好鮮，pasta有咬口，好味

小蛤海藻魚子醬 充滿海洋的味道，好鮮，全晚最欣賞的一道菜

是日魚料理 好似係鯛魚，只記得充滿油香

山椒和牛 只於五月才盛開的花山椒，通常食都係乾粉，今次食到新鮮的山椒，鋪在和牛上，微香，脷頭上帶點麻的口感，和牛非常柔軟juicy，但食到呢度我真係好飽，有點食不知其味的感覺，真折墮

甜品有點失色

咖啡或茶，我選綠茶