Foodie 生活雜誌

6/2019光顧

香港有好多樓上咖啡店，若非睇到網友介紹，真係估唔到呢度會有間咁正的咖啡店，鬧市中的歇息站。店中有店，cafe 與pastry shop聯合經營，已經有十幾年歷史，我真係後知後覺。室內北歐風的舒適佈置，入到去有家的感覺，客人們放鬆心情聊天，各有各的世界，但又感覺融洽。食物同咖啡都有水準，不過出菜非常慢，無耐性就唔好來，我係來享受時光的，當然無問題。

cafe 在大厦內，大厦又在橫街內，唔易揾

大厦在橫街盡頭

cafe佔大厦全層，連走廊都鋪上木紋地板，感覺更統一，晨型人第一個報到，全餐廳都未有人，只有pastry shop 店主，cafe職員都未到，佈置隨意舒適

一列斜斜的大窗，有點點在外國閣樓內的感覺

不同的枱椅組合在一起，只覺cozy諧和

遠望跑馬地馬場

望住樓下車水馬龍，自己悠悠閒地坐住嘆咖啡，感覺良好

小小廚房做出美味食物

淡咖喱慢煮雞胸肉三文治  梳化上的雲咕𠱸係咪好可愛？

淡咖喱慢煮雞胸肉三文治 三文治包用竹炭包，烘得外脆内軟，雞胸唔鞋，有咬口之餘淡咖喱味道剛好，配上薄荷葉及青瓜平衡味道，加添清新感，旁邊有蔬菜沙律，跟埋雜菜濃湯同即炸薯條，好豐富。不過唔明點解影相時無放低隻湯匙

另一款三文治，麥牙酒蕃茄汁肉丸芝士三文治。因為喜歡間cafe，所以影多張相

麥牙酒蕃茄汁肉丸芝士三文治 睇個組合好似幾新穎，即時想起IKEA肉丸。照樣烘得香軟的三文治包，入面係濃濃的茄汁與芝士，肉丸香口味濃，整個三文治感覺好rich又好味。不過肉丸成日跌出來，食到好論盡。

English breakfast tea 茶杯茶壺都係北歐feel

肥威香濃

cafe實在太舒服，同朋友又雞啄唔斷，來第二round 飲品

下次要試下pasta

店內的pastry shop

另有店名 Foxy Flour Social Club

主打健康西式糕點，唔啱我