Benson@跑馬地 @ Foodie 生活雜誌

(貴價意粉)

3/2016光顧

呢間餐廳在我的揾食list應該有五年以上，因為吊腳，一直的唔起心肝去。今次本來想去試附近的餐廳，但去到見到唔啱心水，呢個時候，Benson就在我眼前出現。餐廳本身係做食品批發，跟住開埋餐廳，來貨有保證，今時今日好多餐廳以此做宣傳，但呢間十幾年前已經係咁。入去前猶豫左好耐，因為一個肉醬意粉要二百幾蚊！午市套餐都二百起跳，內容似晚餐，好似好heavy，但結果都好似被鬼迷咁入左去。因為實在太好奇一個二百幾蚊的肉醬意粉有幾勁，所以我好精明咁點套餐 (包任選頭盤，甜品及咖啡)雖然加埋一要差不多三舊，但感覺較良好。碟意粉係好食，醬汁用新鮮蕃茄打，肉醬係安格斯牛，我咁鈍都食得出，意粉彈牙，真材實料用料正，係好食㗎，但好多在家廚神都一定煮到，鬼叫自己唔識整。不過呢度客人目標明顯唔係我呢個窮風流，因為見在坐的都係熟客，有d仲係自家司機接送，當我在門外算緊捨唔捨得時，佢地就似我幫襯雲吞麵檔咁casual。