Foodie 生活雜誌

4/2020光顧

餐廳喺香港藝術館內，環境舒適，食物中規中矩，三百零蚊一個午餐，有靚景睇，舒舒服服，不失為一個好選擇。不過訂位時記得講明訂section 3，否則會比棵大樹遮住海景。

麵包配海鹽牛油 麵包外脆內軟，幾好食

Amuse Bouche 青瓜濃湯加pesto 油

頭盤beef tarta 牛肉無乜鮮味，用辣根蛋黃jam調味，配生菜更突出左菜的草青味，麻麻

朋友的頭盤 洋蔥湯 唔係傳統法式洋蔥湯，加入羽衣甘藍同靈芝菇，似雜菜湯，湯味幾濃，不俗

主菜 意大利芝士雲吞 配白豆、荷蘭豆、parmesan  cheese 一望就知好heavy，雲吞皮厚，軟芝士饀，好彩食落唔算太膩，味道可以

朋友的主菜 油封雞腿，雞肉幾滑，雞皮香脆但咸左d，配粟米custard 同黑豆汁，sauce味淡

朋友的甜品 椰子panacotta 椰子味淡，鋪左奇異果喺面，唔多夾

套餐分2course 及3 course，唔包咖啡茶。甜品唔吸引，我點左咖啡，另加$35。咖啡味唔算濃厚，但又唔太差。

蛋糕唔吸引，無點

餐廳有兩個入口，先講近K11 Musea的正門入口，喺海旁長樓梯上。

餐廳樓底高，帶點坐在船夾板上的感覺。面向維港景，當日天氣好，見到藍天，心情都暢快d

座位分兩級，高一點的的梳化坐。可以靠住梳化嘆海景，更放鬆

肥豬與海

餐廳設有VIP room，但感覺侷促，似船艙

餐廳的另一入口在文化中心長樓梯對面。

1/F，感覺似後門

一人門口右手邊係bar area，地方細細細，又係無敵海景，呢個area亦即係餐廳的另一邊

可以上來飲咖啡，好過喺K11 musea 同人迫，仲有happy hour menu，可以點小食。一個不俗的歇腳處。