Foodie 生活雜誌

前一晚瞓飽左，天一光就起身。今日的節目係漫遊Zagreb 上城區，地方唔大，一日乜都行哂，難怪好多人選擇只停留一晚。舊城都係教堂廣場之類的名勝，我對歴史興趣不大，行過就算，想shopping又無乜啱睇，結果行到下午已無乜好做，團友提議回住宿抖下再出動晚餐，結果我地就避過左一場大雨，感謝上天。因為大雨持續，原定想去的餐廳都去唔到，求其揾左間就算，食完打道回府，一天就此結束。

晨型人，睇日出

見到街上的雕像，知道自己喺歐洲了

車位好有趣，劃到上行人路

旅遊景點多，指示牌清晰

先去行街市，好多花檔，當地人應該好喜歡插花

露天市場，當地人就係喺度買餸

當日係星期一，但店家好多無開門，問下當地人點解，原來除左星期日休息，星期一因為好多家庭要食埋星期日食剩的食物，所以星期一都好少店開。明白了~

都有開店的。

仲有個室內市場，賣肉、麵包，乾貨等

芝士應該係克國人的主食之一，好多自製芝士，一盤盤，似豆腐

自從要下廚，對不同的食材都有興趣，呢d蔬菜香港少見

離開市場後，原本去揾食，結果見到間香水店，有好多香港無見過的品牌，幾個女人試得不亦樂乎，飯都唔使食

有耐性的駕駛員全程靜靜守候

終於放飯，呢間餐廳好好食，我食左三次，要另文介紹

食完散步

經過見到圖書館，要睇下。好小型，似辦公室

行高d睇遠d

纜車站

可能係全世界最短纜車

好彩無開，否則有纜車癮的我都唔知坐唔坐好，咁短，唔抵嘛

分手博物館，要比錢，當然無入

St Mark's Square, Zagreb

以為係教堂，想入去，但見圍哂欄又有記者，問下咩事，原來首相喺入面開緊會，類似我地立法局門口？

Stone gate 原來呢個大門下係小教堂

行行下就行左去山下纜車站

行到口渴，團友想飲smoothie，小人即揾，全部即榨，新鮮好味

晚餐去左呢間地下室餐廳，其中一個侍應態度幾差，好彩之後有個靚仔補數

點左幾個菜，廚師放埋一碟上，似拼盤，有點古怪，不過味道唔錯。