Foodie 生活雜誌

1/2016 光顧 Triple O@尖沙咀圓方

睇戲前的快餐。Triple O 的磨菇漢堡牛肉味香濃，磨菇新鮮，醬汁加上包上面的酸瓜，勁飽！係我多年的飛佛。蒜蓉芝士薯條無咩特別，食普通厚切反而仲好，唔使加$11。想當年金鐘開店時第一間時去食，七十幾蚊個套餐，嚇左一跳，但都赤住食。家陣價錢好似都無咩點變，比起現在下下過百的漢堡套餐，唔再覺得貴了。

1/2016 光顧

去太古城誠品新店朝聖，唔想四圍行，就食店內餐廳算了，當試新嘢。店子裝修同書店風格一樣，自然簡約，睇雜誌先知原來同HABITU同一集團。食物標榜有機天然「you are what you eat」。餐牌精緻，似十足MUJI CAFE。又係細細碟，樣靚味普通，價錢唔平的中價餐廳，唔係太差，但試過就算，反正鰂魚涌果邊大把嘢食。

12/2015光顧

無選擇中的選擇。套餐型式，有湯/沙律，頭盤，主菜，甜品，咖啡或茶。貴價快餐，食物味道唔會記得。訂位時限食個半鐘，但結果都無趕我走，唯一的好處

12/2015光顧

味道及地方均不俗的一間餐廳。大大的木枱，黃澄澄的吊燈，鄉村與時尚的配搭，有型。餐牌只有一張紙的選擇，菜式時常轉換，餐廳理念係「由農場至餐桌」，每道菜的材料都列明在菜單上，食材新鮮，烹調簡單，款款味道都唔錯。位處中環，價錢當然唔平，值唔值就自己衡量。週末有brunch 供應，評價不錯。位置在藝穗會再上少少，由地鐵站去要行一段大斜路，要有心理準備呀。

(雖然係樓景，個八卦望下人地的天台都幾有趣)

(地方小小，適合party)

9/2015光顧

好耐無光顧，想當年在河內道剛開業時係常客，之後搬去新世紀都一直捧場，可惜質素每況愈下，已經無去好耐。今次有人要求要食西餐，要有意粉，價錢唔可以貴，要經濟實惠，唔要意粉屋，於是想起呢度。選擇仍然以意粉沙律為主，7個人每人選一樣，埋單唔使一千，每人百零蚊，算係咁。食物比想像中好，但又唔會出色，始終百零蚊就係百零蚊的貨色，地方大，唔會坐得迫夾，大班人聚會的一個選擇。

9/2015 光顧

9/2015 光顧

有誠意的小店。在酒吧臨立的太子，見有一間清新小店，經過好多次，心想又係嗰d北歐清新裝修，喺三五七間餐廳做過廚，之後又為理想....下刪五百字的公式餐廳，所以多次過門不入，後來睇介紹話唔錯（我就係咁膚淺，所有資訊知識都係從雜誌得來，是但一篇click得中就得)加上當日一定要在附近食lunch , 又試下。餐廳係我喜歡的裝修，簡單得來有d細節位。原來食物都ok喎，賣相精緻(即係細碟，喜歡的餐廳就話精緻，其他的就話人細碟)，百幾蚊個午餐，太子區嚟講價錢稍貴，揾次會試下晚餐

8/2015 光顧

( 純粹影相夾餅，唔明點解咁簡單的招牌食物都可以做得如此馬虎)

（年紀大，對光線唔充足的餐廳感覺麻麻）

朱古力muffin 繼續好食

5/2015 光顧Dan Ryan@尖沙咀海運

5/2015 光顧

愈來愈覺得我就快變成好心地集團粉絲。simply life 係我安全餐廳之一，個餐牌幾年無改，可能會永恆不變。價錢唔貴，二百蚊以內有餐湯/沙律，主菜加飲品，環境靚靚，味道ok，交到貨。可惜成日要排隊，又食得個半鐘 (我當日好彩，可能之後唔係太多人，可以食到尾。）唉，香港的餐廳生態愈來愈討厭，服務同食物欠佳，又要限時限刻，以後我係咪應該約朋友在foodcourt食？起碼唔會被人趕。

多國菜餐廳。印度，尼泊爾加西餐，最適合多心的香港人。由南亜裔主理，好聰明，若只賣印度尼泊爾菜，人客一定無這麼多，加上pizza、 pasta 同沙律，立刻親民了。食物不過不失，勝在選擇多，份量大。生意極好，同區另一間「小酒窩」晚晚爆滿，好多人等位。雖然訂位時無限時，但見我們吃完後好有禮貌地問我可否還枱。這裡比較適合年輕人來，坐位迫夾，好嘈吵，若想舒舒服服地用餐要選其他地方。