Foodie 生活雜誌

1/2016 光顧

去太古城誠品新店朝聖，唔想四圍行，就食店內餐廳算了，當試新嘢。店子裝修同書店風格一樣，自然簡約，睇雜誌先知原來同HABITU同一集團。食物標榜有機天然「you are what you eat」。餐牌精緻，似十足MUJI CAFE。又係細細碟，樣靚味普通，價錢唔平的中價餐廳，唔係太差，但試過就算，反正鰂魚涌果邊大把嘢食。

晚餐有set dinner同a la cart， 我點左兩個set dinner。 入去之前見門口餐牌有set dinner A 同B之分，睇中的食物係set B，但坐底至知原來A 同 B 每兩星期swab 一次，咁就咪show 哂出來啦。

set 的頭盤同main course可自選， 另外可以加錢點其他side dish 。我的選擇係頭盤蕃茄牛油菓配芝麻沙律醬，main course 鱈魚千層麵。跟餐有麵豉湯。

蕃茄牛油菓配芝麻沙律醬 牛油果得兩小塊，蕃茄唔覺甜

鱈魚千層麵 鱈魚夾埋喺千層麵內，無平時食肉醬千層麵咁膩，唔錯。蔬菜話係有機，但又唔覺特別鮮甜

朋友點的頭盤係肉碎蓮藕配和牛紅米飯

肉碎蓮藕 蓮藕片爽但不甜

和牛紅米飯 明白百幾蚊係食唔到和牛，朋友都無期望，因為係食肉獸，無選擇下的選擇。我明白餐廳係以素食為主，但舊牛都唔好煮得咁靭吖。綜觀所有食物，材料我真係食唔出佢口中的u are what u eat

枱上小擺設

綠化室內裝修