Foodie 生活雜誌

12/2021光顧

11/2021光顧

原來下長沙有好幾間餐廳及cafe，呢間餐廳最近沙灘又坐得最舒服。我當日醉翁之意不在酒，無食嘢，只點左杯咖啡，望住個日落靚景都飽，咖啡咩味？忘記了😆。若唔係自駕，自行坐車都唔難，可以坐巴士喺下長沙站落車，喺近沙灘一邊的巴士站旁就有個路口行落沙灘，亦可以喺梅窩坐的士入去。假日應該好多人，建議平日放假去好了。

9/2021光顧

置地文華內的MO BAR以前係好多名人的聚腳點，時移世易，而家我等平民都坐低食飯了。聽講MO Bar 的海南雞飯幾出名，見餐廳做晚餐promotion，套餐三百幾蚊有3個course (promo已完)，平時單點雞飯都要二百幾，而家多一舊水有埋頭盤甜品，幾抵食。無論環境、服務、大部份食物都唔錯，反高潮係碟雞，居然幾鞋口，若打算專登來食海南雞就要諗諗。不過我幾鍾意餐廳環境，熱鬧得來唔嘈吵，坐得舒服自在，不俗的聚腳點。

7/2021光顧

朋友落order : 「金鐘至銅鑼灣，要坐得好，食物味道唔太差」一個好似無要求的要求，其實唔容易，因為朋友的「坐得好」唔係一般的好，加上下午兩點至食，想食的餐廳好多三點後休息，我地要坐足一個下午，選擇已經少左好多，又估唔到平日的下午都好難揾位，結果只剩Conrad Hotel 的lobby lounge，去到見到大把位。食完就明白點解咁多位，因為質素認真麻麻，好彩尚算坐得舒服。

5/2021 光顧

請尊敬的朋友食飯，佢話喜歡食牛扒，當然唔敢怠慢，揀左呢間專食牛扒的餐廳。環境唔錯，食物味道ok，價錢合理，最緊要朋友滿意，食得開心。食物份量好大，胃口小的人可考慮點個湯及頭盤再同朋友share 套餐。

3/2021 光顧

見到網上對餐廳評價不俗，過來一試，好耐無去官涌，原來條街已經變得幾有型格。餐廳裝修morden，以酒吧餐廳形式經營，喺小街上好突出。菜式係近年流行的西日菜，菜單設計頗有心思，雖然味道中規中矩，但睇得出煮得有心機，印象唔算深刻，但喺佐敦區算係一個不俗的選擇。

12/2020光顧

好耐之前喺灣仔星街店已經想幫襯，但緣份未到，多年後至有機會食到，仲要係好少到的黃竹坑。可惜食物質素令我失望，麵包凍，牛肉過生，唔係我的心水。 黃竹坑站的One Island South 有好幾間食店，可以食完後出發經海洋公園行深水灣苗鐘徑散散步。

11/2020 光顧

又係因coupon之名。原本我應該唔會幫襯，因為聽講burger又細又貴，但食完後覺得食物比想像中好，屬於高質漢堡店，地方乾淨企理，雖然有coupon，不過我結果都用左成舊水食左一堆高膽固醇，年紀大，即使好食都係少食為妙。

10/2020光顧

9/2020 光顧

9/2020光顧

8/2020光顧

兩夫妻經營家庭式小店，供應一般西餐，賣點係不加味精，做得幾有心機，味道唔錯，小清新擺盤。雖然未去到特登去試的級別。但總係想支持下呢糕有心小店，記得要訂位。疫情期間，小店仲有好多食物包出售，住喺附近的朋友不妨一試。

6/2020光顧

12/2019光顧

11/2019 光顧

有人會參考我的食後感，正所謂人睇我我睇人，

喜歡來食早餐，IFC店及圓方店都食過，圓方店改組後只做零售，餐廳移師至又一城開新店。一貫高貴亮晶晶英式茶室佈置。今次來食晚餐，點左兩個full course ，餐點特別之處係以茶入饌，但食落又全無茶味，只係一般西餐水準，味道不過不失，水準同我的期望有落差。不過連加一四百零蚊個晚餐，包頭盤主菜甜品連名牌茶，加上靚靚舒適環境及殷勤服務，我收貨喎。

8/2019光顧

好耐無出去飲嘢，想當年一星期飲足5晚，劈酒猜枚，晚晚不醉無歸，如今飲多兩杯都頭痛，夜d瞓都唔得。如今去飲嘢，個tone唔同哂，要揾個環境企理舒服又relax 的地方，摸住酒杯底傾下食下就最好。之前去過餐廳喺大埔的分店，頗有好感，今次試埋尖沙咀店。餐廳地方濶落，不多款飲品及食品選擇，餐牌上小食及主食齊全，味道不錯，仲有生蠔供應，質素不俗，音樂好聽，聲浪適中，氣氛輕鬆，客人斯文，飲酒聊天的好地方。

7/2019 光顧

6/2109光顧

5/2019 光顧

太太臨時下令要食西餐，作為CEO (chief entertainment officer) 的我，唯有上開飯網碰運氣。選左呢間樓上西餐，佔全層，地方頗濶落，一般西餐菜色，味道不俗，雖然無衝動再來光顧，不過喺銅鑼灣區都可以係一個選擇。