妙乃

 

一開始當然又要多謝團長先啦🍻乳頭温泉的旅館同銀山溫泉一樣,一向難訂,其中最受歡迎的鶴心之湯及妙乃湯更加係一房難求,今次團長訂到,又肯臨時加我入去,仲要讓埋間大房比我地三個人住,非常感謝。

Hearoom 發表在 痞客邦 留言(0) 人氣()

東day 6

 

今日開始左我不停讚頌團長的行程。話說乳頭温泉及藏王雪山係我睇左人地遊記N次,但從未想過去的地方,一來我怕凍,二來怕自駕危險。但團長有雪地自駕經驗,令我好安心,知道佢會去呢個地方,仲要訂到妙乃湯,即時二仔底死跟。到左白茫茫的乳頭温泉,買左温泉巡遊帖,試左幾個露天温泉,玩埋混浴,過足癮👍🏻

Hearoom 發表在 痞客邦 留言(0) 人氣()

2024東京東北遊 遊記篇 Day 5 盛岡

 

今日先去宮古市魚菜市場,行程聲稱有海鮮浜燒,我心目中係好似八户咁熱鬧,去到至知係小市場,當日仲無得燒,好彩有幾檔海鮮檔可以買刺身,團長又食到佢喜愛的新鮮元貝,目標達到。餐後去淨土之濱,沿住海岸線行去海灘,冬日的海岸特別寧靜,陽光伴海鳥飛翔,幾舒服。跟G神食完個豬扒飯午餐就回盛岡市行街。晚餐團友們去食盛岡冷麵,我無興趣,一條友做孤獨試食家去食串燒,再行下AEON就回酒店休息了。

Hearoom 發表在 痞客邦 留言(0) 人氣()

東北richmond

 

Richmond係我喜歡的酒店品牌之一,通常選房間面積23平方的雙床房,近火車站,房間配套齊備,整潔舒適,價錢合理,去鄉下地方通常租呢個品牌,有埋停車場,唔使諗,今次住盛岡的三人房居然有部LG的衣物護理機,好好玩,張相仲為我呃左九百幾個like,真係開page多年以來首次有呢個數字😝😝

Hearoom 發表在 痞客邦 留言(0) 人氣()

2024東京東北遊 餐廳篇  RHINO@盛岡

 

平日的盛岡市晚上好靜,當晚想食西餐,G神揾到啱心水的餐廳又無開,只能憑感覺揀。餐廳係獨棟小店,工業風裝修,小酒館形式,菜式屬多元化創作料理,啱哂愛新鮮的我。我地一行五人點左幾個小菜,份量足味道好,價錢勁平,幾百至一千yen就一個菜,抵過自己煮,若我用香港的物價計,真係唔知佢點維生😅不過睇tabelog 只得3.12分,所以話,有時都要自己試下至知啱唔啱食。

Hearoom 發表在 痞客邦 留言(0) 人氣()

東4

 

一早去松島海鮮市場食海鮮丼做早餐,之後出發去猊鼻溪坐船仔,又係一個我自己唔會去,跟人去又唔抗拒的地方。原本團長心目中想睇的係冰封世界,可惜今年迎來暖冬,只睇到枯枝。午餐食前沢牛,食完去另一景點 :嚴美溪。景點似荒廢左咁,吊橋停開,涼亭又欄住左,不過見到積雪的溪流都幾靚,係咁二行個圈就走。落番盛岡市已經入夜,靠G神揾食居然揾到間又平又正的餐廳,大家都好滿意,飯後回酒店休息了。

Hearoom 發表在 痞客邦 留言(1) 人氣()

2024東京東北遊 住宿篇 airbnb@松島 #

 

airbnb訂的住宿,應該係當地人的渡假別墅,平房一層過,兩間房加超大客飯廳,所有家用設施一應俱全。步行五至十分鐘可以到便利店,駕車幾分鐘可到附近餐廳食飯。住宿兩旁係温泉酒店,其中一間提供日歸温泉。民宿寬敞舒適 ,若去松島住宿,係一個好的選擇,多謝團長揀到好民宿👍🏻

Hearoom 發表在 痞客邦 留言(0) 人氣()

2024東京東北遊 遊記篇 Day 3 東京 - 仙台 #

 

一早坐8點出發的JR上仙台,大家都係晨型人真係好,早出發感覺時間好用得多。去到仙台攞車開始自駕遊,先去摘士多啤梨,真係夾下唔同人至有新體驗,我自己排就一定唔會去,但原來又幾好玩,邊摘邊食爽YY。之後去松島,我之前去過,無乜好做,但都叫做有四圍行吓,但團友們行完瑞巖寺食下嘢就算,居然連個海都無望過😅。之後就直去airbnb住宿,晚餐去買七仔搞掂,雖然住宿無温泉,但附近有日歸温泉,作為温泉精的我當然唔放過,浸完終於感覺到開啟旅遊mode了。

Hearoom 發表在 痞客邦 留言(0) 人氣()

2024東京東北遊 餐廳篇  三茶貝介@世田谷三軒茶屋 #

事緣我喺雜誌見到有個以白子為主要食材的「痛風鍋」,愛白子的我豈能錯過。餐廳以食貝類為主,年輕廚師掌廚,有板有眼,態度友善認真,點左套餐再追加其他食物,貝類新鮮,但痛風鍋則同相片好有出入。我地好早食,走的時候已坐滿客人,其中一個客人同我地傾偈,仲話餐廳係區內名店呢👍🏻

 

Hearoom 發表在 痞客邦 留言(0) 人氣()

2024東京東北遊 餐廳篇 SEZANNE@丸之內四季酒店

喺網上訂位後準時到達,侍應先安排喺咖啡座飲杯水,準備好後就入餐廳。一般法國餐廳的高雅裝修,窗明几淨,有天然光,好舒服。侍應有禮服務好,菜單融入不同食材,水魚、白子都有,幾驚喜。食物烹調合度,醬汁配合得宜,味道好,超級飽。食足差不多三個鐘,坐都坐到攰😅一次不俗的經驗。

 

Hearoom 發表在 痞客邦 留言(0) 人氣()