Foodie 生活雜誌

朋友仔帶我食好嘢。餐廳有多款菜式選擇 : 香口餐前小食、雞煲火鍋。另有小菜，但要預訂，類似私房菜，老闆話大廚最拿手係泰國菜，下次有機會要試下。今次朋友仔預訂左三道菜，來到再加幾款小食及火鍋，食物味道不俗，廚師有心機，價錢合理服務好，點埋啤酒，飲飽食醉幾小時，無被要求食個半鐘，感恩🙏🏻住附近的不妨一試。

牆身紅彤彤的地鋪非常吸睛，餐牌的菜色亦好吸引，我諗住簡單食一餐，求其點左一飯一麵一甜品，收費非常進取，若唔係開飯網有特價，我絶對唔捨得食。

結束12日旅程，終於回港了，回程唔坐高鐵坐飛機，約左包車，但一早落好大雨，好cool的房東居然幫我地推行李到城外上車，感謝🙏🏻建議去機場的朋友要預點時間，因為大理同世界上所有城市都一樣塞車。大理機場好細，入閘後都有嘢食賣，經過兩小時機程到深圳機場，再上包車直駛香港，好方便👍🏻十二日雲南之旅完結~

我對足少爺仔十日，今日終於要離團尋找自我時間。先去古城中心，見到人群已立即掉頭走，其實只要行過幾條街就好清靜。我隨心搵間餐廳食個早午餐，去cafe飲杯咖啡打個旽，四處參觀其他民宿，四處閒晃，晚上join番團友食晚餐，寫意的一天。

行程進入尾聲，今晚會住大理古城，因為團長嫌大理古城太多人，去個少人d的魏山古城先。對我來講其實個個古城差不多，發展左的又嫌商業化，未發展的又嫌遠嫌未開發，好難服侍。

講番魏山古城，係商業化得來無咁多人的古城，我呢團係龜速旅行團，所有地方都磨爛蓆，喺城內左穿又插，慢慢行都行左幾粒鐘。離開魏山直去大理古城，只係門口都熱鬧到嚇死人，完全好似鄉下人去左京城咁，大理古城果然名不虛傳👍🏻

餐廳開左十幾年，我都經過好多次，但都係因為裝修殘舊唔入去。直至最近鰂魚涌區實在諗無可諗至試下。推門而入，發覺餐廳裝修企理左，食物原來幾好食，份量足。老闆娘好健談，透露佢接手餐廳幾年，裝修過，但台灣大廚無變，仍然不加味精。食完覺得唔錯，街坊餐廳，無論點小菜或只叫碗麵都得，試多兩次，若無問題就可變口袋餐廳。

喺香港住窩居，去旅行會想住大少少的房間。呢間中小型酒店，走型格路線，房間唔多，喺狸小路隔離條街，旺中帶靜，合哂我要求。酒店職員英文好好，樂於助人，設施唔算多但夠用。交通方便，坐機場巴士到市中心，落車行幾分鐘就到，從酒店去機場更加方便，轉角就有車站。

今次主要係redeem到機票至去，雖然好耐無去北海道，但其實去過好幾次，好多地方去左，而且北海道的景點都無乜改變，所以plan行程時都有點頭痕。最後決定選擇我最喜愛的美瑛為主角，慢慢行。今次只得我同駕駛員二人行，可以想點就點，要幾任性有幾任性😆😆😆第一日到步札榥，去到酒店settle down 都七點幾，食個晚餐行一陣就回酒店瞓了。

去過北海道好幾次，除左稚內及幾個島，其他地方大概都去過。今次重遊，主因係redeem左機票，點知換機票後至發覺北海道的景點無乜改變，所以決定玩住宿。今次去左幾個地方： 札榥、美瑛、富良野、洞爺、俱知安及白老，入住不同類型住宿 ： 酒店、温泉旅館、小木屋、Glamping及山上小屋。行程由上天安排，行到邊食到邊玩到邊，所以呢個行程都係一路行一路寫。特別鳴謝完全配合我任性行為的駕駛員❤️

應該係之前龍皇個位？點心不過不失，反而欣賞店內服務員，大部份都係年輕人，雖然生手但態度好，服務殷勤。現今社會富裕，好多年輕人都養尊處優，唔似我地當年一畢業就要工作，所以今時今日見到年輕人肯入行工作，真係會心存感激，盡量包容，想佢繼續做落去🙏🏻