Foodie 生活雜誌

之前經過呢間開喺後巷的意大利餐廳，感覺良好，擇日來試，餐廳走casual路線，幾款食物都唔錯，不過餐廳半開放，夏天來應該幾熱😅

之前常去荃灣店，自從動線轉左，無機會再去。最近見鰂魚涌開店，喜出望外，真係有回家的感覺。cafe喺太古坊二期，無論地段同裝修都高級左，所以收費都高一級，要加一🥹餐牌比荃灣店的選擇多少少，食左兩次，質素不俗，可成口袋店了

睇到介紹，感覺良好，即管做白老鼠試下。去到見到裝修靚靚，但星期六午餐我一人包場，再睇開飯網百幾個笑三個喊，預左中伏。幸好出品可以。日本師傅喺東京做左十年，之後喺泰國做左幾年，年幾前開始喺度做，套餐係有割烹元素的壽司餐，整個餐的食材及賣相都唔錯，師傅好有心機，不過食價比低，個餐原本無海膽，要另外加錢，係師傅見食材有剩至請我食。

餐廳開喺九龍酒店地庫B3，唔講真係唔知呢度有間餐廳。標榜東京過江龍居酒屋，多款酒類及小食提供，出品水準平平，地方幾大，坐得舒服，諗唔到食乜都可以試下。

cafe landmark 係名人聚腳點，諗住一定好高級好貴，原來又唔係喎，今次朋友仔用信用卡優惠更抵。我唔係好識點形容佢個餐牌，就似一班朋友喺其他餐廳食完覺得好食的，再叫自己相熟的廚師放喺餐牌上。食物足料煮得有心機，味道唔錯，早餐更加係一般cafe價，有機會都想試下。唯一唔好係收九點。

喺外國靠google map揾食的經驗唔錯，番到香港都試下。人在中環，諗唔到去邊度飲咖啡，打開見G神比4.8分，跟去。點杯黑啡，店員叫我揀豆，三揀一，但無講唔同價錢，有眼光的我當然揀左最貴的，點知比錢時明明$40變$60，最慘係後知後覺的我比左錢至識問，好彩杯咖啡幾有果味，加埋當日外面有音樂表演，當入場費囉。我以後都係唔好懶型，問多句穩陣～

朋友仔帶我食好嘢。餐廳有多款菜式選擇 : 香口餐前小食、雞煲火鍋。另有小菜，但要預訂，類似私房菜，老闆話大廚最拿手係泰國菜，下次有機會要試下。今次朋友仔預訂左三道菜，來到再加幾款小食及火鍋，食物味道不俗，廚師有心機，價錢合理服務好，點埋啤酒，飲飽食醉幾小時，無被要求食個半鐘，感恩🙏🏻住附近的不妨一試。

牆身紅彤彤的地鋪非常吸睛，餐牌的菜色亦好吸引，我諗住簡單食一餐，求其點左一飯一麵一甜品，收費非常進取，若唔係開飯網有特價，我絶對唔捨得食。

結束12日旅程，終於回港了，回程唔坐高鐵坐飛機，約左包車，但一早落好大雨，好cool的房東居然幫我地推行李到城外上車，感謝🙏🏻建議去機場的朋友要預點時間，因為大理同世界上所有城市都一樣塞車。大理機場好細，入閘後都有嘢食賣，經過兩小時機程到深圳機場，再上包車直駛香港，好方便👍🏻十二日雲南之旅完結~

我對足少爺仔十日，今日終於要離團尋找自我時間。先去古城中心，見到人群已立即掉頭走，其實只要行過幾條街就好清靜。我隨心搵間餐廳食個早午餐，去cafe飲杯咖啡打個旽，四處參觀其他民宿，四處閒晃，晚上join番團友食晚餐，寫意的一天。