Foodie 生活雜誌

行前準備 : 坦桑尼亞無需注射防疫針，但香港衛生署會建議旅遊人士打幾款防疫針及食抗瘧疾服藥，我就打左yellow fever 針及食藥，同行團有有d打針唔食藥，有d針藥都無，純屬個人選擇，最後大家都無染病。

航班 ： 乘卡搭爾航空於多哈轉機至Kilimanjaro，機程約14小時，轉機於同一航厦，停留三小時，有足夠時間，行李直掛至Kilimanjaro ，全程共17小時。

天氣 : 八月至九月係非洲的冬天，早晚約咗十度以下，午間氣溫回升至三十度，天氣乾燥。但去到Zanzibar 就係夏天，炎熱潮濕，非常之曬，氣溫每日三十度以上。

衣著 : Zanzibar陽光與海灘，只需著一般泰國渡假的衣着就可以。

特別要提的係中部safari 的衣着，因為冬天關係，一定要帶薄羽絨及風褸，洋蔥式穿法，入面短袖再遂層加，方便午間減衣。因為坐open jeep，全無遮擋，所有太陽風沙塵土硬食，防晒防風用品不可少，防曬衣、防曬袖、濶邊帽、太陽眼鏡，建議用運動型太陽鏡，覆蓋埋眼邊，因為風沙及陽光都太勁，口罩都好重要。

食 : Safari部份由酒店包餐，海灘部份都係喺海灘附近的餐廳，以西餐為主，唔好食，但唔難食。

住 : Safari部份酒店豪華舒適，海灘部份係小型渡假酒店，booking.com揾，水準一般。

交通  : Safari部份以Jeep及小型飛機代歩，海灘部份酒店會代約的士司機。

電話卡 : 今次用Orange 全球14天4G 上網卡，收得超級好，喺獅子旁邊都覆到what’s app，我仲可以現場facetime 動物大遷徙比香港的朋友睇👍🏻

其他 :全程用美金，無換過當地貨幣。

詳細行程 ：

https://www.facebook.com/share/c8vZizfx4vBtdooQ/?mibextid=WC7FNe