Foodie 生活雜誌

飛左十幾粒鐘，一落機馬不停蹄，立即坐車去Lake Manyara National Park。一出機場已經見到接待的local guide，我地一行九人，分兩架吉普車出發。經過Arusha市中心，慢慢向市郊行，由於初次接觸非洲國家，所有嘢都好新奇，忘卻疲累，貶下眼就坐左三個幾鐘車到達National Park 開始首個safari 。

第一次坐開頂的吉普車，去到national park，規定除左食飯同去廁所，其餘所有時間都要留喺車上，導遊憑經驗四圍揾動物，見到就停車，我地喺車內企上企落，離九丈遠見到隻動物已幾興奮大叫，後來至知其實係小菜一碟，但已足夠令首次參加Safari的我高興不已。

完成Safari 後返酒店休息，晚餐係西式自助餐，渡假式酒店環境舒適，經過24小時的勞累，今晚好好瞓呢。

Qatar的飛機餐ok

機塲好豪華

從卡塔爾轉機，第一次搭阿曼航空，小妹孤陋寡聞，未聽過

到左Kilimanjaro Airport，機場好細，喺停機坪落機直接行人航厦

local guide喺出口接機，可能因為比較少亞洲人，完全無需確認，直接對眼吉普車幾豪華，全皮高背坐椅，有埋冰箱，放心了

let’s go 。local guide有豐富的知識，沿途講解不同動物的習性，獲益良多

沿途市容，似七八十年代的大陸

沿途見到當地的Masa族土人，帶住牛羊去賣

公路鋪得好靚

到達Lake Manyara National Park

入塲，由而家開始要留喺車上。

吉普車來到national park 後就升起車頂蓬，我當然即時企高睇。

四圍都係大樹，似入左森林，第一印象同我所想的safari game好唔同，只係見到馬騮同雀仔，感覺流流地

間中有動物跑過已覺得興奮

safari 同去動物園好唔同，要用眼揾動物，初初係完全睇唔到，要靠guide揾到指比你睇，仲要無雷公咁遠，要用望遠鏡睇，出發前團友話要帶望遠鏡時我仲嗤之以鼻，原來真係好有用，見唔見到羚羊？其實湖內仲有隻河馬，我真係無咁好眼力。

放飯時間，可以落車了

大樹下午餐，好raw

飯盒，凍哂唔好食，填飽肚就算，飯後guide 話有咖啡，我即時心心眼，後來知道只係即溶咖啡，我諗多左。不過明白喺非洲，絶對接受

另一張枱望住湖景，更靚

飯後下半塲

見到一群大象玩水，好開心。不過其實我見唔到，係另一架車睇到

我來到只見到三隻，所以好講彩數，不過都開心

長頸鹿呀！

仲有好多好靚的雀，特別鳴謝長鏡夫婦拍到靚相

離開前遇到獅子，雖然瞓左覺，郁都唔郁，但個個都影到唔願走，後來睇獅子睇到唔睇

今晚住的酒店