Foodie 生活雜誌

10/2020 光顧

近排時興食酸菜魚，聽講呢間幾出名，行經附近又試下。屬於食完後無乜感覺的餐廳 ，中規中矩，味道温和，唔難食，但好食又未到佢，食完都無印象，所以我都唔知寫乜好，原諒我又一次偷懶呃like🤣🤣 

(平凡餐廳，行過都唔會留意。我的好餐廳未必係你的好餐廳，千萬唔好特登來食，怕你食完斬死我😅)

5/2020光顧

10/2020 光顧

喺銅鑼灣我通常去利園三期n.o.t. 飲咖啡，原來喺希慎廣場都有一間Ehonia x n. o. t.提供簡單餐點及咖啡。間放式cafe 賣點係高樓內的cafe，面對兩層高落地大玻璃，光猛開揚，望出窗外有居高臨下的感覺，唔算好坐但絶對係打咭之選。食物簡單，價錢合理，賣相同食材都唔錯，難怪總係排滿人。不過若只想飲杯咖啡，我自己就喜歡利園店，雖然都係開放式及只提供蛋糕，但比較清靜，座椅較舒適。n.o.t的咖啡真係平d，americano賣$26 ，奶啡賣$32，好多地方都賣緊$34同$40，所以呢度幾抵飲。

9/2020光顧

10/2020光顧

公眾假期想飲茶，心水餐廳全部無位，可能呢度價錢較高，位置較徧，所以book到。餐廳走高級粵菜路線，菜式精緻，味道濃淡適中，幾好食但又唔係好突出，餐廳裝修清雅，坐得舒服，不過價錢唔平都要分兩輪，真無奈。

10/2020光顧

9/2020光顧

食開的鮨店長期full，又要揀其他鮨店落户。呢間午市15件壽司set價錢合理，刺身新鮮，味道ok。餐廳座位多，當日可能唔夠師傅，serve我的chef非常忙碌，全程幾乎零交流。見到刺身全部由chef分發， 再由其他師傅或助手做壽司，似工廠出貨。食到最後得知原來當日有幾枱客趕時間，搞到師傅要趕出餐，整個流程亂哂，難怪見到chef心浮氣躁。午餐食材唔錯，仲包甜品，我覺得物有所值，要求唔高都可以試下。不過食客太多令服務質素未達標又有點頭痕，去多幾間再決定。

9/2020光顧

9/2020光顧

9/2020光顧

一坐低想訂下次已被告知fully book 到明年7月，之後的訂位亦暫停。今次一別，唔知幾時再相見，唯有好好享受當下。當晚多款菜式都未食過，仲要食極都有，有今生無來世咁款，絕對滿載而歸，大滿足👍🏻