目前分類:2018函館仙台遊 (19)

瀏覽方式: 標題列表 簡短摘要

IMG_0509.JPG

 

晨早起床,喺温泉旅館嘆完早餐後就坐新幹線回東京。一出門見到有豪華轎車等侯,心想真係一分錢 一分貨,仲同太后話我去咁多次温泉旅館都未坐過豪華轎車接送,不過幾秒鐘後就清醒番,因為我記起同集團在附近有一間大型旅館,果然,我只係坐唔夠兩分鐘的車程去轉車。去到大型旅館等車期間,太后對我話 : 「食食,我都係喜歡我地昨晚住嗰間旅館多d 。」我壓抑住內心的激動,重重地搭住太后的膊頭,語重心長地吐出一句 : 「當然啦!」心諗 :鬼唔知呀媽係女人,相差幾倍價錢!

Hearoom 發表在 痞客邦 留言(0) 人氣()

IMG_0255.JPG

旅館的懷石料理晚餐頗有好評,晚餐選擇在房間內用餐,等太后可以更舒適寫意。試過之後覺得味道不俗,菜式見心思。

先奉上清酒

Hearoom 發表在 痞客邦 留言(0) 人氣()

IMG_5718.JPG

日本之旅,一定會安排最少一晚入住温泉旅館,為左比太后有一個難忘的温泉之旅,今次安排入住秋保温泉的高級旅館獨幢客房。旅館有個八千尺的庭園,一心諗住太后可以喺庭園散步,點知原來唔可以行,只供觀賞,激死。旅館感覺高雅大氣,房間裝修簡約中見細緻,處處流露出含蓄的豪華感。可惜温泉一般,無論個室風呂及大眾浴場都係一般,房價雖然係我住過最貴的,但並非最好,不過太后好滿意就算。

 

Hearoom 發表在 痞客邦 留言(0) 人氣()

IMG_5701.JPG

 

近年每次去日本都會食西餐,今次選擇西式創作料理。餐廳主要食套餐,平日只供應晚餐,價位較高,只得星期六有午餐供應,亦較經濟。因為時間剛好配合,可以帶太后來一嚐西餐。

Hearoom 發表在 痞客邦 留言(0) 人氣()

IMG_0158.JPG

 

今日帶太后去做貴婦。一早瞓到安樂醒,check out 後喺酒店附近行下就直接去食午餐。話説今日訂左間靚靚西餐廳食創作料理,之前一晚叫太后著好少少(太后一向主張「舒適」打扮)喺酒店見太后的一身造型 灰色運動綿褲配同色系fleece外套,忍唔住問佢係咪打算去晨運,佢仲問我有咩問題,我唯有直接話佢咁著法去到餐廳會有辱國體,佢至死死氣去換過衫。去到餐廳見到客人個個打扮端莊,佢至明白今早的造型幾咁有問題。太后邊食邊讚 : 「我都係喜歡食呢d多過昨晚的大排檔」我心諗 :鬼唔知呀媽係女人?不過見佢食得開心就好。

Hearoom 發表在 痞客邦 留言(0) 人氣()

IMG_9738.JPG

 

想帶太后去地道一點的食店,聽講餐廳有鮮魚拍賣環節,特別過來見識下。餐廳以海鮮浜燒為主,食材新鮮,另有下酒小菜,價錢大眾化,客人以當地人為主。可惜當晚客人唔多,拍賣要等到8:30至開始,太后已無耐性等,而且又嫌地方地踎,(唔知佢從幾時開始貴左)興趣不大,所以無等拍賣開始就離開了。

Hearoom 發表在 痞客邦 留言(0) 人氣()

IMG_9881.JPG

(市場外貌,係室內魚市場)

 

Hearoom 發表在 痞客邦 留言(0) 人氣()

IMG_2425.JPG

 

一早起身先去仙台朝市,呢個朝市雖然都係遊客必到,但仍然好地道,就似我屋企樓下的街市一樣,當然食材靚好多,太后行得好開心,可惜當日落大雨,否則更盡興。太后選左幾個生果,放回酒店就出發去松島。今日天氣同昨日差得遠,昨日天朗氣清,萬里無雲,今日天陰有雨,氣溫仲差左十度,幾凍下。

Hearoom 發表在 痞客邦 留言(0) 人氣()

IMG_9655.JPG 

(酒店外貌,似住宅)

同呢個酒店集團幾有緣,集團於日本只有兩家酒店,咁啱都被我選中,上次在青森陸奧市。若我一早知道係同一集團就未必會選擇,因為陸奧店似一間賓館,簡陋殘舊,大堂一陣煙味。好彩仙台店清潔整齊,雖然都係有點舊,房間基本,賓館格局,但對比起其他車站附近的酒店,價錢算平,始終一分錢 一分貨。酒店位置方便,朝市就在隔離,行去車站步程10分鐘,商店街步程都係二十分鐘左右,好方便。

Hearoom 發表在 痞客邦 留言(0) 人氣()

IMG_9718.JPG

 

2018函館仙台遊  餐廳篇 閣@仙台

Hearoom 發表在 痞客邦 留言(0) 人氣()

IMG_2048.JPG

去日本食pancake係指定動作,相信每個城市都有自家出名的pancake店,所以唔揀連鎖名店。在網絡上揾到BallPark,喺tabelog都有三點幾分,應該可以?餐廳位置在距離仙台站東口步程十幾分鐘的民居內,四周環境清靜。餐廳充滿夏威夷海灘風情,一派懶洋洋的感覺,我在平日下午來,客人較少。pancake 有蛋味,內裡鬆軟綿密,可惜表面似over cook, 帶點乾硬,整體不過不失,喺餐廳見到有雜誌介紹pancake店係某年仙台百大人氣餐廳之一,莫非今日失手?

 

Hearoom 發表在 痞客邦 留言(0) 人氣()

IMG_9581.JPG

(晨早去到朝市,旅行團未殺到,可以舒服地行,我地走的時候已開始多人)

一早起身就同太后去函館朝市,當年佢跟團,得好少時間行,又迫人。今次我地晨早去,太后可以慢慢逛慢慢影,仲可以烚隻蟹食下,再叫佢食海膽同魷魚,佢話食唔落,點知回程時反問我話人地去魚市場好多刺身食,點解佢無,激到我彈彈下,立即攞番d相出來自辯。

Hearoom 發表在 痞客邦 留言(0) 人氣()

IMG_1831.JPG

 

2018仙台函館遊 酒店篇 Resol Hakodate (瑞索爾函館酒店)@函館

Hearoom 發表在 痞客邦 留言(0) 人氣()

IMG_1737.JPG

 

2018函館仙台遊  餐廳篇 菊泉@函館市元町

Hearoom 發表在 痞客邦 留言(0) 人氣()

IMG_1619.JPG

 

旅程第二日一早就check out坐新幹線往函館,太后𠲖𠲖吟吟話點解要咁早,對於一個覺得坐新幹線同坐地鐵無分別的港產刁民解釋係無意思,直接比佢睇環境好過。原本想太后試下火車便當,不過佢話唔喜歡凍食,結果千揀萬揀,揀左個蛋糕仔, (真係揀左好耐,因為我地有JR pass, 幾個閘口出出入入係咁揾),我比零錢佢自己買,佢買完好開地帶住勝利的笑容回來,我覺得似同少爺仔去旅行,果然小孩同老人家係同一個type。上到月台,太后好奇怪點解要咁早排定隊,直至佢見到個個都係咁,至明白當地文化。太后對上一次喺日本坐火車已經係80年代,當時仲叫子彈火車,佢喺車度一直讚嘆車廂乾淨,同高鐵無得比,之後睇住駕駛員一早為佢準備好的韓劇,四個幾鐘頭比想像中過得快。

Hearoom 發表在 痞客邦 留言(0) 人氣()

IMG_1474.JPG

 

因為第二朝早車往函館,所以選擇住東京站附近,由於臨時更改行程,價錢較平的住宿已滿,唯有退而求其次,選擇呢間離東京站步程15分鐘的小型酒店。酒店位置靚中帶旺,其實JR神田站(即山手線東京站的下一個站)只需幾分鐘步程,車站旁,好多餐廳,酒店位置靜中帶旺,小清新格局,房間細細,但所需物品一應俱全,我最喜歡酒店夠乾淨,空氣淨化都做得好好。

Hearoom 發表在 痞客邦 留言(0) 人氣()

IMG_9322.JPG

 

太后出巡,必食鰻魚。由於香港難揾到質素好的鰻魚飯,所以我每次去日本必食。太后亦係鰻魚迷,上次去日本某市郊小店食完後念念不忘,所以今次一定要安排一餐鰻魚飯。餐廳好易揾,喺銀座GSIX後面小街,家庭式經營,鰻魚係炭火即點即燒,夠惹味。雖然鰻魚汁稍咸,但係都幾滿意。太后五分滿分比四分,佢話其實想比五分,但又好似太誇張,好明顯讚賞唔係佢本色。

Hearoom 發表在 痞客邦 留言(0) 人氣()

IMG_1640.JPG

(買極都錯的火車證 )

 

Hearoom 發表在 痞客邦 留言(1) 人氣()

IMG_1435.JPG

 

2018函館仙台遊行程 

Hearoom 發表在 痞客邦 留言(0) 人氣()