Foodie 生活雜誌

終於來到最後兩日(寫得實在太慢)，第七日朝早先去食海膽飯，跟住去新宿入貨，雖然而家香港乜都有得賣，但一塲去到日本，點都要買d，加上兌換價低左，有差價又平一截。買完都無左一個下午，攞住一大袋嘢去得邊？梗係要番酒店卸貨，之後又去番今朝的築地食蠔，食完乖乖回去執行李。

上次食得好開心，食過番尋味，今次唔使企，有位坐。先來每人一round ABC 三個set，食匀當日的蠔種，再點喜歡的encore ，再來seafood salad同oyster cream cheese 配餅乾，加埋白酒啤酒，大滿足！

唔知點解今次旅程好多餐廳網上訂位都要full pay，為免失卻靈活性，行程無乜預約餐廳，行過見到呢間老字號壽喜燒店，即時訂位過兩日食，諗住點都有基本保證，點知就經歷到喺日本從未經歷過最差勁服務！

返回市區就做市區嘢，即係行下食下。今日先去位於清澄白河區的東京美術館睇一個好期待又精彩的展覽，行完食個tea，之後行一陣再去食個食到一肚氣的晚餐，完左一晚。

基本上每次去東京都會食，但今次去，發覺價錢貴左好多！由三千幾yen 加到六千幾yen😱即係由港幣二百尾去到而家四百頭，真係匯率低都補唔番😫不過今次等位由排隊改為派籌，攞籌後可以去行街，喺指定時間回來就可以，真係一大德政👍🏻當然要早點來攞籌啦，我九點幾到已經攞到差不多十一點的籌。坐低後，見有人來攞籌，已經係下午兩點的籌😅

今次去日本想舒服d，決定試下包車遊。特別鳴謝團友A認識的淘寶達人幫手。淘寶網尤如黑洞，淘乜都有無盡頭，我成日話要淘個男人，今次終於成功，總共淘左三個男人……司機。

近年日本好多以飲酒為主，提供佐酒小食(即酒肴)，以輕食為主的餐廳，多款小食配搭不同的酒，飲下傾下過一晚，唔使下下成個full set 晚餐咁heavy。呢間餐廳喺我住的酒店附近，行過見到好多有型的客人，感覺好chill。我地又學人chill下，餐廳好爆，就算平日訂到九點都只有吧枱。餐牌全部日文，自己揾G神翻譯，侍應亦盡量幫忙解釋，加埋少少冒險精神，結果都食左多款不同的酒肴。餐廳氣氛好，食物都唔錯，住附近的可以一試。

完成兩天主題樂園式温泉旅館遊，今日約左包車師傅阿仔來接我地回東京。見天氣好，睇到人地面書的相片，見河津櫻盛放，櫻花可遇不可求，既然上天預備左比我，卻之不恭，即時改行程驅車前往。

今日無景點，温泉旅館check out 後，去附近的箱根雕刻之森美術館行下，再去另一間温泉旅館。團友比喻得幾好，住温泉旅館就似去主題樂園咁，不過唔係玩機動遊戲，係玩浸溫泉😆

今次住的房型係「1階 ベッドタイプ テラス付き」附有半露天個室風呂，群山懷抱，望住浮雲變化，好一幅風景畫。房間舒適，唯一欠佳係走廊的感應燈太敏感，喺床度郁下都會著燈😫

比起大集團的現代化温泉旅館，我都係喜歡中小企經營的日式旅館，無論氣氛及貼心度都較合我心水。今次主要係比房間的風呂吸引，好少個室風呂會令我覺得好過大浴場，而且房間係我喜歡的日式style，感覺舒適，早餐及晚餐係標準懷石料理，無驚喜，整體不俗，不過未去到非住不可的地步。

温泉旅館喺山中，外型平實。從fufu坐的士過來唔使1000yen，接待的年輕侍應知道我昨晚住fufu，非常羡慕，我走的時候同佢講，喜歡佢地的旅館多d

習慣係一種好奇怪的事，唔知從幾時開始，每次去日本我都要食pancake ，但食食下至發覺原來自己唔係特別鍾意食。今次結果又去左pancake店，但居然無食pancake，因為被班尼迪搶fo 了。呢間連鎖店好多地方都有，不過只有呢間附送富士山景😁😁

2023 東京箱根遊 温泉旅館編 : fufu箱根@箱根 （早晚餐）

旅館晚餐係西日式，菜單可以自選，入住時喺餐單上剔，我就覺得欠缺個性又降格左咁。而且選擇時只有食材，唔太清楚烹調方法，結果點左一款炸物一款燒物，重口味，食到飽飽港滯。加上晚餐地方侷促，燈光昏暗，我就唔多欣賞。好彩第二日喺房間食早餐，光猛舒適，不過兩餐的出品都好普通，有交行貨的感覺。

時尚豪華温泉旅館。其實我好少幫襯集團式温泉旅館，覺得好格式化，而且價錢唔平，但見佢新開，傳媒又吹得好勁，加上兌換價低，即管試下，結果都係覺得獨立中小型旅館適合我多d。

呢間係「孤獨美食家」上身遇到的餐廳。話說一行人唔算肚餓，但點都要食d嘢，因為嚟緊兩晚住溫泉旅館，唔想食日本餐，尋尋覓覓下，食tapas似乎係一個好選擇。

今日離開東京落箱根浸溫泉，晨早出發，辛苦過番工。一早已訂定包車十小時，由東京至御殿場outlet再去箱根温泉旅館。司機係中國留學生，由内蒙來日本留學，我當然又記者上身，了解下日本生活點滴，因為佢實在太年輕，所以之後都叫佢「呀仔」。沿途先去休息站SA買手信，再去御殿場outlet shopping，我想睇富士山，呀仔話御殿場就睇到，初初以為佢hea我，去到至見到原來真係好近！本來諗住三點到温泉旅館，點知女人血拼真係唔講得笑，最後要五點至到😅

大眾化omakase 店，有三間分店，可於網上訂位。兩位團友不約而同睇左介紹話想去，咁我無理由唔安排。喺網上預訂左，但去到已經排哂長龍，訂左位都要排隊入座，大部份都係遊客。入到去見到坐table已經覺得無癮，我地一行四人，壽司四件四件用盤上，豉油多到唔使錢咁，連漬物都係一道菜，我就認為非常一般，試過就算。

喺東京真係無乜好做，唔係食就係買，今日全日都逃唔出銀座同有樂町，來來回回咁就一日，明日會去箱根，我同團友話，隔幾日再回來，去邊唔緊要，但無論如何要坐車離開銀座💪🏻

是日最值得記低的係揾食經歷。話說我今次無乜準備餐廳名單，諗住行到邊食到邊，發覺原來我係唔啱呢個style ，因為我太多心又多要求，結果不停揀，當晚孤獨美食家上身，喺街頭行到街尾，穿梭大厦行上行落都無間啱心水，可憐三位團友行完一日街都繼續要陪我行，最後團友A忍唔住話 : 「揾唔啱就番酒店食飯團！」我居然答 ：「都好～」。呢個時候，奇蹟出現，比我發現到一間西班牙菜，感覺幾良好，喺我猶豫之際，一向無意見的團友B可能太驚要食飯團，立即好決斷地講 : 「就呢間！」結果一行人終於可以坐低舒舒服服食晚餐。

The blossom hibiya@東京

去日本一定食串燒，試過上網揾定資料，試過酒店介紹，試過walk in，咁多間都無甩轆，我估日後都唔需要特別揀。講番間餐廳，用備長炭燒，火喉足，有焦香味，多款部位選擇，店員亦盡力講英文翻譯，招呼唔錯，飲飽食醉每人都唔使三舊，好抵食，不過收得比較早，十點就關門了。