Foodie 生活雜誌

2019曼谷遊 住宿篇 Hotel Nikko Bangkok@Throng lo

時興from farm to table，泰國咁大，除左盛產稻米之外，仲有其他農產品及家禽。餐廳地方舒適瑰麗，餐具華麗，似食宮廷菜。套餐內菜式傳統與創作兼備，侍應態度好，解釋詳盡。呢餐食得耐過法國菜，但一點都唔覺耐。美中不足係我自己時間預得唔好，只得兩小時食，最後甜品要打包。連侍應都一臉可惜地問我點解要咁快走。一間色香味俱全，連女侍應都好養眼的餐廳，有時間不妨一試，可以網上訂位。菜單應該係每季一款，訂位時可以在網上睇到。當晚係winter season menu ，一坐底見到枱面有兩款餐牌，一款2910bts一位，一款5900bts一位，我幾驚自己點錯左5900bts個餐，唯有強裝鎮定再扮勁問侍應有無5900個餐供應，好彩佢話今日無供應，只作參考，嚇死我。

Greyhound cafe 的高貴版。Greyhound品牌以時裝起家，之後進軍飲食業，愈戰愈勇，分店開遍海外，搞到我都差點忘記佢本業係時裝，見到時裝店時仲以為搞crossover，後來recall番，至醒起以前我來bkk，最愛行siam centre，當時有好多未成名的時裝設計師開店，設計充滿玩味又大膽，類似香港的百利商場，行得好開心。不過在如今全球一體化以後，變哂連鎖店的天下了。

按摩係曼谷旅遊的重頭戲，當然要晚晚做。不過我對spa的興趣唔大，所以只安排一日做spa，其餘就喺酒店附近做泰式按摩就算。按摩店我主將乾淨就得，當然要見到有客幫襯，其他就唔係我控制範圍，因為按摩好講運氣，而且各家店師傅的按摩手法及次序都有點不同，好唔好就要講彩數。至於spa我就會更著重環境及睇comment，今次去的spa店之前已去過，幾年後再來，水準仍然keep到。原本仲安排左喺另一間spa店做aroma massage，點知犯左低級錯誤，約錯時間，否則就可以頭兩日做 Thai massage 鬆筋骨，之後兩日做aroma massage 放鬆肌肉了。

習慣去曼谷會食一餐比較高級的西餐，價錢點都比香港平一點。近來愛上日本大廚主理的西餐，以為餐廳係日本主廚主理的法國菜，點知我睇介紹時睇d唔睇d，訂位後至知個廚係法蘭西人。餐廳上菜速度幾快，個幾鐘就食完7 個course 的餐，感覺有點急，法式料理為主，混入日、泰食材，可惜味道唔突出，整體水準中規中矩，無驚喜，可能最近食過的兩餐日廚主理的法國菜都幾出色，相比之下，呢餐感覺就有點遜色。

好多年前經過BTS Siam站後的小街，見到呢間After you，覺得裝修好可愛，不過對甜品興趣不大，人又多，所以無試，多年後見到睇開的blogger次次去bkk一定食呢個芒果糯米飯，好奇一試，去到至知原來係同一間，不過已經分店多到開哂巷。甜品係小清新擺盤，好有少女feel，有姿勢又有實際，難怪間間分店都客似雲來。

Day 1