目前分類:2018澳門遊 (8)

瀏覽方式: 標題列表 簡短摘要

IMG_4338.JPG

好怕喺氹仔的酒店內食飯,貴的就好貴,平的通常係連鎖店,好悶。今次呢間餐廳喺賭場入面,真係成人限定。幾十蚊碗麵,有好多款麵條選擇,見師傅即場手拉,好有嚼勁,餃子皮厚,充滿北方風味,不俗。

 

Hearoom 發表在 痞客邦 留言(0) 人氣()

IMG_4325.JPG

(餐廳在AIA商業大厦21樓)

左貢右貢行左幾個鐘,筋疲力盡,原本想去聖地牙哥酒店飲下午茶,原來上年5月已關門,結果來朋友介紹的sky21。餐廳連酒吧,天枱酒吧有下午茶套餐,景觀不俗,坐室外吹吹風又吹吹水都唔錯。樓下係用餐區,食日式食品 (唔係正宗日本料理) 若你係住MGM,對面有接駁車喺新濠天地娛樂場落,行過對面就係MGM,唔使行咁遠去澳門美高梅上車。

Hearoom 發表在 痞客邦 留言(0) 人氣()

IMG_4279.JPG

(小店門外圍滿人,行人都習以為常,行出馬路)

check out 後坐車回澳門散步,始終係喜歡舊區風情。行入下環,經過見到特別有間麵鋪要排隊,其他店唔使排。排隊的人又無攞住旅遊書,似當地人,望下見到係普通肉碎粉麵,應該唔會差得去邊,又跟住排。原來小店係食豬雜同豬肉丸粉,另外有越南牛河,可以選棵條(即貴刁)及河粉。湯底鮮甜,肉丸有咬口,總算無跟錯。老闆娘好有台型,悪形悪相,反而老闆好友善,知我地由香港過來,係咁向我地介紹小店。佢話奶茶係幾十前喺中環學,小店曾經於荃灣開業,後來因為太辛苦唔做。現在小店營業時間為8:302:003:006:00,星期日休息。老闆話師傅六十幾歲,唔想佢太辛苦,星期日太多人,所以唔開。另一個堅定我排隊的原因係排隊時見到一位揸住法拉利車匙的美女排隊買外賣,以我愚見,咁有錢都排,應該係好嘢

Hearoom 發表在 痞客邦 留言(0) 人氣()

IMG_4208.JPG

老字號酒家,見到四圍掛住鮑魚、魚翅的海報,心諗若我唔食呢d貴價嘢,會唔會遭受白眼?結果係無。由於中午已經食左大餐,晚上只想清清地炒幾個小菜。小茶味道不俗,不過稍嫌油膩。地方整潔光猛,價錢合理,好過喺酒店區捱貴餐。鄰近官也街,可以順便買埋手信。由於難截的士,可以在對面坐50號巴士返永利皇宮酒店。

 

Hearoom 發表在 痞客邦 留言(0) 人氣()

IMG_4222.JPG

今次去澳門,一為神功二為弟子,主菜係去天巢食lunch,配菜係入住新開的美獅美高梅。對於另一間澳門美高梅有好印象,雖然未住過,但參觀過又去食過幾餐,感覺良好,所以對新開的美獅好有期待。酒店秉𠄘其他氹仔酒店風格 超大,金碧輝煌。簽名建築天幕廣場好有氣派,但可能未完全開放,顯得有點空洞。check in 時又遇到老問題 : 未能準時攞房。雖然已經係五點幾至到達,但都居然被通知要六點至可以攞房,兩間房安排左同一層,但係分開兩個building ,安排房間的人真風趣,最後當然又要費一點唇舌,多少少堅持至可以做到我唔係要求的要求。(即時取房及兩房安排同一層)。房間及酒店設施在相內有介紹。總括來講,唔係一個好特別的住宿經驗,我會比較喜歡對面的永利皇宮。

晚上天幕環境

Hearoom 發表在 痞客邦 留言(0) 人氣()

IMG_4483.JPG

 

呢間餐廳,由佢開喺舊葡京的時候已經想食,可惜得個諗字,至今搬左去新葡京,夾好哂天時地利人和,終於食得成。食之前無乜點睇介紹,總之見到個價錢負擔得起就算,結果無令我失望,環境好,服務好,可能係午餐關係,加上經過強國人的洗禮,就算係fine dining 的都唔太拘謹 (我見到隔離枱的大款食到最後起身伸展筋骨)三小時的豐富午餐色香味俱全,非常滿意,可惜過澳門皮費太重,否則好有興趣再光顧。

Hearoom 發表在 痞客邦 留言(0) 人氣()

IMG_4342.JPG

一切由碼頭開始......無去氹仔一排,原來氹仔碼頭已經完工。地方大,好整潔,但係亦等如行多左路,落船出關後要行段路至到酒店接駁 車站。碼頭大樓內有food court 可以醫肚,又有手信禮品店,其他設施唔多見。因為地方大,若扶老攜幼的朋友記得預多點時間。

 

Hearoom 發表在 痞客邦 留言(0) 人氣()

IMG_4482.JPG

 

Day 1 

Hearoom 發表在 痞客邦 留言(0) 人氣()