目前分類:電影 (97)

瀏覽方式: 標題列表 簡短摘要
 


 總係對Pixar 的電影充滿期待,亦從未令我失望。今次電影以墨西哥亡靈節為背景,透過男孩一夜的經歷,講述追尋理想、家族傳統及生死觀念。全片色彩繽紛,熱鬧非常,帶住濃厚墨西哥色彩的極樂園塲景簡直係fantastic。全片令我最深刻的體會係遺忘。遺忘,可能係對一個人最大的懲罰,無論如何憎,如何恨,起碼仍記得你,選擇遺忘,就係將你拒於門外,我的世界再沒有你,那管你灰飛煙滅。原來一個神主牌係咁重要,代表你在家族中仍有一個位置,仍有後人記得,就算去到另一個世界,你仍然會永遠活在家人心中。但話分兩頭,若死後另一個世界同在生的世界係無分別,不就等如一直的「活」下去?咁又會唔會太攰?到時可能又會寧願灰飛煙滅了,我就係咁矛盾。

Hearoom 發表在 痞客邦 留言(0) 人氣()

  

一向好欣賞張艾嘉,名曲「愛的代價」係我的所愛,擅長拍女性電影,佢所有作品我都唔會錯過,從前的「莎莎嘉嘉站起來」「20、30、40」,到今次的「相愛相親」,不同年齡不同心境,每次描述女性心態都好到肉。今次故事以一次遷墳事件帶出三代女性的愛情觀,不同世代的價值觀及兩代相處的種種問題。從前老一輩對愛情專一,用一輩子守候一段已逝去的愛情,最後發現自己原來一直活在回憶中。中年女子為家庭為生活營營伇伇,早已忘卻生活的熱情,幸好有温柔的丈夫體量,默默支持,重拾愛情。年輕一代則自我中心,合則來不合則去。劇本完整,非常貼地,除了愛情,對傳媒生態、內地官僚主義、年青人夢想等題目都有觸及。故事細膩動人,角色生活化,細節位每每令我會心微笑,喜歡電影的英文名 「Love education」,愛情,係需要不斷經營,不斷學習,無須驚天動地,細水長流才是最難得。

Hearoom 發表在 痞客邦 留言(0) 人氣()

IMG_3224.JPG

藍精靈 : 迷失的村莊 

復活節開開心心睇電影,今次的smurfs the lost village 係四位smurfs team 成員的冒險故事,過程中仲發現美芝的秘密同第一次見到女版smurfs,個lost village 有如阿凡達,畫面豐富漂亮,內容正面,開心的電影。

Hearoom 發表在 痞客邦 留言(0) 人氣()

 

 

 槍狂帝國

Hearoom 發表在 痞客邦 留言(0) 人氣()

  

Hearoom 發表在 痞客邦 留言(0) 人氣()

  
三位黑人女性的成功故事,振奮人心的故事!60年代的美國社會,對有色人種極盡歧視,三位天才數學家除左受膚色歧視,更加上性別歧視,仲要在男性主導的太空總署工作,可想而知有多艱難,多屈辱。但三位憑住自身的天賦,遠大的目標,對自己的肯定,加上努力爭取,終於得到成功。成功係要天時地利人和,但毅力同堅持都非常重要。老生常談的 :「成功係靠自己爭取」「機會係留比有準備的人」「世有百樂,然後有千里馬」,喺呢套戲內完全感受到,電影內加插三位女性的家庭生活,為嚴肅的題目加添温情,好正面的電影。

Hearoom 發表在 痞客邦 留言(0) 人氣()

  
一個沉淪毒海的年輕人改過自身的故事,真人真事改編,亮點係與貓同行,故事內的貓呀bob自己親身演出。主角因爲一隻自來貓,為絕望的生命打開一線窗,最後更改變生命,活得精彩。
要沉淪有好多藉口,要企番起身只需要一個條件 : 意志。在康復途中好需要人支持,但人的意志畢竟係薄弱,面對一次又一次的失敗,身邊人會對你失望,選擇離開。但竉物就不一樣,單純地永遠伴在你身邊,默默支持。片中人與貓的互動好自然,導演間中會用貓的角度看世界,令觀眾更投入,緣份係好奇妙的事,故事裡人貓相遇,不只貓救贖了人,人亦救左貓,大家互相扶持,温馨簡單的一套戲。

Hearoom 發表在 痞客邦 留言(0) 人氣()

  

好精彩的一套電影,編、導、演皆一流,故事講述三對夫妻加一個離婚男人,相識多年,以為大家已達到無所不談,毫無秘密的地步,直至一晚飯局,其中一人提議玩一個遊戲,將每人的電話放在枱上,當晚所接的電話及message 全部要公開,類似遊戲truth or dare。人到中年,感情、事業、家庭,問題一大籮,結果遊戲有如打開pandora box 一樣,一發不可收拾。整套戲有如舞台劇,一間屋,7個人,戲服造型無變一直落,搞掂!全靠對白精采,做戲就當然會較誇張,一晚內出現哂所有問題,而且係7個人的問題,聽落複雜,但高手就可以將複雜的關係有條不紊的表達,節奏明快流暢,毫不突兀,首尾呼應,故事完整。全片充滿黑色幽默,有反思有唏噓,若你熟齡如我,應該會睇得過癮。

Hearoom 發表在 痞客邦 留言(0) 人氣()

  


Hearoom 發表在 痞客邦 留言(0) 人氣()

 

 對於X Japan的認知,係一隊打扮古靈精怪,鬼殺咁嘈的band。睇呢套戲係因為被樂隊的傳奇背景吸引 : 隊中的主音因為被邪教洗腦而退出樂隊 (十年後重組),另外有兩位隊員先後自殺死亡。但入場睇完後,反而被樂隊靈魂人物YOSHIKI 吸引,一個外表如此柔弱温柔的人,一上台居然好似變左另一個人一樣,非常狂野,充滿力量,將背負住的忿怒盡全力發洩出來,令人驚訝,而且多才多藝,才華洋溢,面對樂隊解散、隊友逝世,一身傷患都一一撐過,傳奇人物應該就係咁?亦因爲電影,令我知道原來X Japan 的主音聲線嘹亮,唱歌好好聽。睇完套戲之後我無變成X Japan的歌迷,但好高興可以認識到一隊如此厲害的band (雖然遲左幾十年)


Hearoom 發表在 痞客邦 留言(0) 人氣()

  

 (先旨聲明,我係哈里波特粉絲)差點錯過左咁精彩的電影。作者羅琳又一次帶我進入奇幻的魔法世界。記得從第一本作品起已經被書內天馬行空的想像力吸引,係一個想都無想過的世界,至拍成電影後更覺得似夢境成真!今集外傳,故事主人翁係曾經在魔法學校霍格華兹就讀的學生,成人的魔法世界,令我更投入。故事係主角要捉回走失的怪獸,結果自己都因此被追補,中間又加入與邪惡魔法師的正邪對決,與麻瓜建立友情,故事頗豐富。戲內形形色色的怪獸,華麗的、可愛的、奇趣的,每一隻都非常吸引,全套戲無論服裝,佈景都好靚,好多大塲面,作者的想像力再次令我驚嘆,睇得好開心的一部電影。男主角Eddy與之前的高難度演出相比,今次發揮不大,反而飾演麻瓜的男演員更突出。
(PS 張電影poster實在唔吸引)

Hearoom 發表在 痞客邦 留言(0) 人氣()

  你的名字
男女主角一個又一個奇遇,交織出浪漫的愛情故事。浪漫,來自距離、來自觸不到、來自盼望。全片畫功細緻,街景幾近真實,配合某些夢幻場口,毫不突兀,呢個係動畫的優勢,建議入戲院睇。故事人情味濃,電影命名「你的名字」實在貼題。之前刻意避開鋪天蓋地的報導及劇透,結果睇完覺得故事唔錯,熟口熟面,最初睇以為只係男女主角交換身體的錯摸橋段,睇落至知故事感情細膩,好多細心位,頗有驚喜。片內的歌曲都幾好聽。

Hearoom 發表在 痞客邦 留言(0) 人氣()

  
一套有關丹麥著名餐廳NOMA名廚Rene 的記錄片。一般米芝連廚師戲的真人版 : 起初為自己的信念而開餐廳,中間渡過重重難關,有朝一日無端被食家竉幸,成為知名餐廳,世界從此不一樣,之後為星星努力,為保星星為保第一,活在壓力下。導演追隨Rene 兩年間所拍下的故事,恰巧係餐廳遭遇挫折的一年,餐廳於2010至12年連續3年奪得全球Top 50的第一餐廳,可惜2013年餐廳因食物中毒事件䧟於低潮,經過努力再奪回寶坐。當中亦有講述Rene的童年,家庭,以及一路上遇到的高低潮。就係一般成功人物的傳記,但呢套唔算吸引。
全片感受最深的係片中廚師為星星努力,畢竟星星係一種肯定,攞左一星要二星,二星後要三星,三星後要年年三星,結果長期活在壓力下。但就如戲中主廚所講 : 呢個世界跟本就無最佳餐廳,因為口味係因人而異,個選舉活動就似每年由800人去選一隻最美麗的顏色,跟本無意思,但主廚仍因失去寶座而沮喪,為重奪寶座而狂喜,呢d可能就係當局者迷吧。

Hearoom 發表在 痞客邦 留言(0) 人氣()

  

一個追蹤殺人犯的故事。導演故弄玄虛做出三個嫌疑犯,三個故事,三線發展,其實內裡想表達的係信任。正所謂知人口面不知心,人與人要建立深厚的關係,互信係非常重要,一段關係無左互信就會變質,變得脆弱,尤其當你懷疑身邊人係殺人犯的時候就更恐怖。故事好沉重,每個人都有黑暗面,背負住包袱。套戲前半段用大量篇幅鋪排,精華都在後半部,可幸有熟悉的演員,而且每個都演得好好,又唔會太悶。最估唔到妻夫木聰的大膽演出,睇過佢好多不同的演出,真係一個好努力的演員。

Hearoom 發表在 痞客邦 留言(0) 人氣()

  

若果你患上絶症,可能明日會死,但你可以同魔鬼交換,消失世上的其中一樣事物來換取你一天的生命,你會如何選擇?忘記講,選擇消失物件由魔鬼選,你只可以選擇同意或拒絕。魔鬼先選擇了電話,主角發現從物件消失的過程中,生命亦因此改變,因為所謂的消失並非答應魔鬼後才失去,而係呢樣物件從你生命一開始就消失。結果,所有回憶、感情亦一拼消失。後來魔鬼提出的電影、時鐘,主角雖然感受到改變帶來的恐懼,但仍答應。到最後,魔鬼選擇貓......跟自己從少到大,有感情有經歷的貓......你又會如何選擇?生命,由無數回憶累積而成,若無感情無回憶,就算有生命又如何?初睇電影名,以為係講貓的故事,其實唔係,頗有意思的一套戲,一貫日本戲慢版作風,要有點耐性。

Hearoom 發表在 痞客邦 留言(0) 人氣()

  

偉人的故事,動人的友誼。故事講述一個印度籍天才數學家的一生。半世紀以前,一個印度人憑住新破解的數學理論獲劍橋教授賞識,離開妻子漂洋過海到劍橋,為發表學說而奮鬥。當中經歷種族歧視、學院官僚制度,最後雖然名留千古,但本人就享受唔到榮譽了。天才,唔一定係受萬千寵愛,際遇都好重要,兩位主角的友誼令故事情節更豐富。簡單動人的故事,幾好睇。

Hearoom 發表在 痞客邦 留言(0) 人氣()

  
無改錯名,一套堅離地的丹麥片。故事發生於70年代的丹麥,男主角繼承大屋,想賣出去賺一筆,但生活苦悶的女主角忽發奇想,想將大屋變成公社,邀請不同的朋友入住,甚至將大屋業權平均分比住客,實現大同生活。男主角雖不情願但都無奈接受,故事就此展開。最初生活係開心的,大家守規矩,凡事投票,公平公開公正,每日生活如開party,相親相愛。誰不知當女主角樂在其中時,忽略丈夫而不自知,更被外遇乘虛而入,但女主角為表現自己大愛精神,居然邀請第三者同住,最後更將自己迫得精神崩潰,結局係一個當初提出公社生活的人居然要獨自離開,不無諷刺。
入場前想睇的係公社生活,人性的刻畫,但導演似乎著力於三角關係,對其他角色輕輕帶過,有點失望。戲內對男女關係的描寫,性關係的大膽開放,奇特的生活態度,都令我覺得堅離地。總覺得公社生活就似烏托邦,當人人無產時當然無所謂,但到利益關頭,咪又係諗左自己先?人性總係自私的。

Hearoom 發表在 痞客邦 留言(0) 人氣()

  
入塲係因為男星Jesse Eisenberg,喜歡佢個樣怪怪地又帶點神經質的感覺,近年喜歡的年輕演員。戲中時空設計在30年代,故事平淡平凡,一個窮小子到荷里活闖天下,人浮於事,無法出頭,情塲上又不敵大老闆,未能抱得美人歸,傷心地回紐約老家。歲月流逝,窮小子變為夜總會老闆,重遇舊愛,可惜只換來此情只待成追憶,只是當時已惘然的無奈。戲內對白帶點幽默,訴說人生如戲,戲如人生,無論你是否願意,日子就係咁過去,絮絮不休。雖然睇報紙話女主角Kristen Stewart有驚喜表現,但我睇到的仍然係木口木面的臭臉。Jesse Eisenberg演出可愛。套戲似Tbb電視劇,婆婆媽媽,同情迷午夜巴黎差得遠。

Hearoom 發表在 痞客邦 留言(0) 人氣()

  
Tim Burton 的作品,古靈精怪係必然。角色設計有趣,佈景華麗。配合大塲面,穿越時空,有歷險、有打鬥。故事天馬行空,講成長、講親情又有愛情,夠哂豐富。但點解.......居然覺得悶悶地。可能因為故事太表面,平鋪直敘,欠缺深入描寫,太著重塲面,呢d都係一般大片的詬病,不過當一套小朋友童畫睇都幾過癮。
(覺得套戲同導演舊作Big Fish 有點相似,一樣係個仔以為爸爸吹牛,爸爸口中的奇人並不存在,不過今次換左係個孫以為爺爺吹牛。)

Hearoom 發表在 痞客邦 留言(0) 人氣()

  

我唔係The Beatles 的歌迷,但從小到大總係常常於不同媒體,不同場合聽到The Beatles的歌。當然我知道樂隊係好勁,影響左後世的樂壇,甚至某程度上係影響左好多人的價值觀。但我一直唔明樂隊點解咁勁,有幾勁,當有一套關於樂隊的紀錄片,當然要入塲睇下。電影係至今唯一被The Beatles 隊員及其家人授權拍攝的影片,內容圍繞樂隊1963至1966年於多個國家巡迴演唱會的片段與幕後花絮,我終於知道樂隊有幾紅,簡直係瘋狂,係一個神話。影片完場後有當年The Beatles 在Shea Stadium 演唱會的30分鐘復修版,再加上之後由Teddy Robin 同黃志淙主持的座談會,總算對呢隊經典組合有多一點認識。不過仍然唔明白d瘋狂女歌迷點解會一路聽一路不停地喊,好激動🤔

Hearoom 發表在 痞客邦 留言(0) 人氣()

1 2345