總係對Pixar 的電影充滿期待,亦從未令我失望。今次電影以墨西哥亡靈節為背景,透過男孩一夜的經歷,講述追尋理想、家族傳統及生死觀念。全片色彩繽紛,熱鬧非常,帶住濃厚墨西哥色彩的極樂園塲景簡直係fantastic。全片令我最深刻的體會係遺忘。遺忘,可能係對一個人最大的懲罰,無論如何憎,如何恨,起碼仍記得你,選擇遺忘,就係將你拒於門外,我的世界再沒有你,那管你灰飛煙滅。原來一個神主牌係咁重要,代表你在家族中仍有一個位置,仍有後人記得,就算去到另一個世界,你仍然會永遠活在家人心中。但話分兩頭,若死後另一個世界同在生的世界係無分別,不就等如一直的「活」下去?咁又會唔會太攰?到時可能又會寧願灰飛煙滅了,我就係咁矛盾。


順帶一提,開塲前的一段frozen 「短片」足足有成二十分鐘,睇到我恰哂眼瞓,直接影響我對極樂園開塲時的投入感,有點煞風景。不過frozen 小粉絲應該會好開心。

  


「著名英國首相」,係我對邱吉爾的所有認識,對其所有事跡一概不知(真失禮),但睇完本片之後令我此歴史偉人好有興趣,想揾本自傳睇下。主角主導全片情緒,個人表演,導演拍得好有氣氛。從來睇戰爭片都係睇前線打仗為主,每次睇都會感嘆士兵在前線打生打死,坐在辦公室安安穩穩的人點會感受到前線的慘烈?今次集中講幕後主宰的一班人,感受至原來高層次又有高層次的痛苦,前線的可能到死前一刻都以為重有希望,但做決策的會更早知道結果,當我地以為還有希望時,其實決策人已知道絶望的結局,可能會更痛苦。

  

This is me ! 全部戲的中心思想。無論你出身如何,外貌、型態如何奇特,只要你忠於自己,總有一個舞台可以令你發光發亮。當然中間會經歷重重困難,遇到好多波折,最後就算未能成功,都總算為自己活過。一套不俗的歌舞片,歌曲動聽,大型歌舞塲面燦爛繽紛,小型歌舞設計亦見心思,大娛樂家真係娛樂到我。Hugh Jackman今次的表現出色,不過我都係喜歡孤星淚多d。
一路睇一路令我連結起最近睇的書「被討厭的勇氣」。書中哲學家主張「目的論」,認為人係唔會因為過去的遭遇而影響現在,只要你向住目標而行,一定可以成功。同傳統的「決定論」不同,決定論係人總會因為以往的遭遇而受到影響,甚至成為枷鎖。戲中的主題就正正表現出何謂目的論,你的人生係唔會因爲你的出身而受影響,只要堅持目標,加上「被討厭勇氣」(無懼別人的眼光),每人都可以如戲中角色般做自己,走出自己的路。

    全站熱搜

    Hearoom 發表在 痞客邦 留言(0) 人氣()