來到京都這麼有歷史氣息的城市，當然要住下有相當歷史的老房子。老房子座落在民居內，我地一行4個人包棟。其實此處最多可住10人。分上下兩層，上面睡房，廚房廁所客廳在樓下。一個有趣的住宿經驗。但提提大家，因為浴室同洗手間在庭園，冬天入住係一個好大的考驗。增值之處係對面有個魚市場，可買海鮮回來煮。我無時間，唯有匆匆食板海膽做早餐。
老房子外觀，有兩駕單車可免費借用
我們先在車站附近辦公室check in， 職員在電腦用相片介紹， 之後就坐的士來 (約2400yen) 房子鎖匙就放在小盒內
玄關，兩層高樓底，若在香港，一定加一層放雜物。
有廚房，設備齊全，絕對可煮食。有狗圍欄，帶狗狗來玩都得。
除鞋入屋了
右手面係偏廳，今次得4人，用來放行李
客廳。茶几下係電暖氈，坐落暖洋洋。有電視，茶具俱全。
碗碟櫃，成村人來都夠
外面係小庭院，夏天可坐下納涼
呢面通向洗手間，分三間房 ：洗面，如厠，入浴。冬天要企喺走廊洗面都幾難頂
毛巾, 風筒, 浴衣基本物件齊備
浴室有個大缸浸浴，按制自動出水，夠水會自動停，好先進。
睡房在樓上，樓梯好斜
分兩間睡房，tatami ，迫迫地應該瞓到9個成人。
自行鋪被
有個陽台哂衫，好有日劇feel
其實同隔離屋好近
老房子對面就係魚市塲，可以買海鮮回屋做早餐，應該係逢星期三休息，因為我地星期三來無開。
即劏呑拿
應該係供應比餐廳，見好多都pack 好。
仲有乾貨市場。但時間所限，我地只能買板海膽回屋做早餐。否則大廚話可買隻蟹烚來食。
我們的早餐
文章標籤
全站熱搜
留言列表
香港食食食 (25)
