目前分類:電影 (97)

瀏覽方式: 標題列表 簡短摘要
  
近年已好少睇杜琪峰導演的戲,因為口味不對。但有周潤發,張艾嘉,陳奕迅與湯唯如此陣容,如何抗拒?但結果又一次証明杜大導的戲我係不懂欣賞。電影由舞台劇改編,曾經睇過舞台劇,已印象模糊。不過電影故事已大幅改動,講職場新人類面對商業社會的爾虞我詐,慢慢地變質,最普通的職場故事。導演選擇將舞台劇型式放入電影,變成歌舞片,結果慘不忍睹,千萬打造的場景同當年舞台劇相似,導演想將電影與舞台劇融合,但又拍唔出個感覺,結果個塲景感覺就好突兀,戲內好多唱歌場口,但除左一個陳奕迅,其他人的歌聲都麻麻,而且歌曲亦唔動聽。最奇怪係廣東話對白但歌曲係普通話,是要顧及國內市場又想有本地特色?結果不論不類,我寧願全片普通話就算了。兩位新人演技生硬,發哥張姐仍然壓場,Eason演出落力但外型唔會令我信服可以吸引到湯唯同張姐,睇佢同湯唯kiss更有滑稽的感覺。雖然創新係誠意可嘉,但無此能力的話不如正正經經拍番套劇情片好了。

Hearoom 發表在 痞客邦 留言(0) 人氣()

  

Hearoom 發表在 痞客邦 留言(0) 人氣()

 
巨星版「愛回家」(舊果輯)。副總裁退休後無所事事,加入新成立網購時裝公司的老人實習生計劃,被安排做老闆的助手,年輕老闆與老人見習生,新與舊的融合,互相補足,各得其所。無論時代如何進步,經驗仍然係金錢買不到,何時進,何時退,基本做人道理千古不變,傳統有傳統的價值。上年紀的人亦要倘開心屝,接受新事物,與時並進,人老心不老才可以繼續進化。故事極為平淡,但温馨窩心。就如電影海報一樣,只睇兩位巨星。男女主角Robert De Niro 與Anne Hathaway從容自如的演出,如此簡單的故事好似有點浪費。

Hearoom 發表在 痞客邦 留言(0) 人氣()

  
大偽術家
藝術呢家嘢,我真係連條鐵都唔識。電影係真人真事紀錄片,主角係史上藝術界最大騙案的主角,一個騙子。以畫假畫維生,騙過所有拍賣行專家及收藏家,以高價售出畫作,一家過著奢華生活。主角在拍攝時已被補,在片中如警訊一樣案件重演,示範如何「創作」假畫。最令人眼界大開的係主角可以模仿各大師的畫風,更神奇的係佢唔係臨摹,而係代入大師的想法再「創作」出一幅畫出來!仲勁的係可以「造」出一幅1920年的作品,無論畫布,質感都做到足,根本就係天才!睇完後感覺好諷刺,何謂藝術?一幅畫,當鑑定出係名家作品時就可以價值連城,但若畫家係名不經傳時便立即一文不值。究竟現今所謂藝術的意義係作品本身還是作品被市場捧出來的價值?最有趣的係主角話自己在過去三十年已經「創作」左300幅作品,但被發現的只係少部份,好些畫作仍掛於著名藝術館內,但佢無透露係邊幅,真絕!此電影題材特別,帶我認識另一個世界,只係睇主角畫畫都已經津津有味了。

Hearoom 發表在 痞客邦 留言(0) 人氣()

  
一個法國小家庭的簡單故事,一個有關少女成長的故事。生於聽障家庭的唯一健全女孩,兼負起家人與社會溝通的橋樑,雖然年輕,但無形中已成為家庭的支柱。徧徧上天賜予一副好嗓子,一種唯一家人感受不到的天賦,多諷刺。為了成就夢想,要離開家庭,想想都知道困難,家人由最初的不諒解,再轉為支持,所靠的就是愛,愛就是let go,無論任何關係,情人如是,家人如是。我天真,仍然相信只要一段關係𥚃面有足夠的愛,所有矛盾都可以衝破,若未能解決,只因愛得不夠。故事輕鬆温馨,家人的愛,朋友老師的支持鼓勵,初戀的忐忑,睇得好窩心。聽障家庭的演員們其實個個都無聽障,但演譯出色,值得一讚!
好喜歡睇呢類生活感強的小品,可以多點了解當地人生活,就似上次在南法旅行,每次經過偏遠的農莊都會諗佢地點番學,睇完戲後終於知道原來係踩單車再轉校車。

Hearoom 發表在 痞客邦 留言(0) 人氣()

  image  

德斯汀荷夫曼(Dustin Hoffman)加上嘉菲貝絲(Kathy Bates),只要個唔太差的故事,已足夠吸引我入塲。故事簡單平淡,叛逆青年憑藉天賦嗓子,老師與校長的春風化雨,回歸正途,迎接美好前程。不過以上通通及不上一個最重要同最關鍵的條件 : 一個有錢的老豆(堅沮喪),不過世間總有童話。故事重點係講出一個人就算如何有天賦亦要珍惜,機會唔係常有,但如何傳遞此訊息予叛逆青年?除了耐性加愛心以外,更需要有了解,走入佢個心,了解其需要。如電影中的老師所謂 : 我地都忘記了孩子有孩子的難處 (大意)。我們都是這樣長大的,但現今的大人,彷彿忘記自己小時候都有想偷懶,想玩,想hea的日子。可否了解下孩子的難處,再將心比心的去體諒一下?

Hearoom 發表在 痞客邦 留言(0) 人氣()

  image  

 

曾經睇過「作死不離三兄弟」、「一百萬零一夜」、「美味情書」等幾套印度片,幾套都唔錯,今次的「來自星星」都好睇。宗教從來係敏感題材,今次導演藝高人膽大,在宗教眾多的印度拍一套質疑宗教的電影。不過導演考妙地以一個外星人為主角,對地球毫無認識,無立場的去睇成件事,最後更避重就輕,帶出「宗教無問題,有問題是錯誤演譯宗教的人」,高手!故事以一個愛情故事為開始,再以此為結尾,首尾呼應,點出「愛一個就是懂得放手」,感動!加上Bollywood 獨有的歌舞場面及印度服飾與建築的豐富色彩,成套戲好熱鬧。可愛的演員,有趣又有意思的故事,有笑有淚,又可以睇下印度的社會風貌,兩小時的戲都唔覺有悶場。

Hearoom 發表在 痞客邦 留言(0) 人氣()

  

從「我的野蠻女友」、「觸不到的戀人」到「雛菊」再到「來自星星的你」,一直好喜歡全智賢,加上李政宰,當然要入場。電影內好多角色,個個好戲,人人搶鏡,全智賢直頭瞓身演出。中台抗日的戲睇得多,好少睇朝鮮抗日,無論中、台或韓國人筆下的日軍都係一樣,(因為歷史係唔會改變)只係今次國家變左朝鮮。所有間諜故事都係差不多,反間再反間,恩怨情仇共冶一爐。全套戲140分鐘,前面110分鐘都唔錯,可惜最後30分鐘變左mission impossible,唔多通。不過製作認真,演員演得落力,故事大部份合邏輯,整體都算唔錯。

Hearoom 發表在 痞客邦 留言(0) 人氣()

  
好耐無睇湯生,一開場見到佢已唔知點解笑左,佢keep 得好好,連演技都係,當terminator 的阿諾都有進步時,難得湯生表情動作仍然廿年如一。整套戲劇情悶蛋,但場面悅目。幾個大塲面都拍得精彩,戲內的高科技玩意有趣新穎,套戲唔怕睇唔明,因為臨尾會似TBB劇集咁畫公仔畫出腸地解釋一次你知。配角同女主角都唔錯,幾生鬼,難得個個拍埋湯生度都咁高咁大(當然係講身型,唔通係地位咩),唔易揾?今次女主角好搶鏡,身手又好,著住對「天比高」鞋都如履平地。已抱住「不要問,只要信」的信念入塲,但好多塲口仍然令我忍俊不禁,隔離果個話我笑得有點不屑,我有咩?無呀!

Hearoom 發表在 痞客邦 留言(0) 人氣()

  

記憶係人生寶貴的資產,童年記憶係成長的基石,情緒影響記憶,面對每件事,不同情緒會有不同睇法會得出不同結果,時常被教導要忘記憂愁,樂觀面對,但是否只係一股勁的快樂,樂觀就能解決一切?若人生沒有憂愁又如何品味到喜悅?記憶伴隨成長,但成長後總會有些記憶會放下,曾經你非常重視的,可能會隨記憶而流逝,明白無需唏噓,只係成長的一部分,但作為旁觀者,總會覺得可惜與無奈。彼思出品的動畫,一貫的充滿想像力,今次故事講的係大題目,大人睇完之後會深思,小孩睇住七彩繽紛的畫面,夢幻可愛的塲景,一樣睇得開心,各得其所。可惜我睇的係粵語版,二汶配音的角色「喜」令我感到煩躁。二汶的歌聲我係欣賞的,但今次可能對白太多,加上戲院的音響好大聲(九龍灣星影匯),令我覺得好吵耳,影響全片觀感。不過王菀之配音的「愁」,同佢做戲的形象一樣,好過癮。作為一個彼思迷,我永遠會坐到最後,但可以提醒各位,睇完附在片尾字幕的短片後就可離開,唔使等到最後。

Hearoom 發表在 痞客邦 留言(0) 人氣()

  

導演用自身經歷拍成電影,述說與患有躁鬱症父親相處的童年。患病父親情緒時時不受控,未能工作,一家活在貧窮中。母親為了改善生活,決定離家出外進修,兩名女兒便由躁爸爸照顧,困難可想而知。不過路是人行出來的,生活亦要繼續,只要明瞭接受自己與人不同的處境,慢慢就能行出自己的路。整齣戲處處看到窩心場口,感受得到導演對父母的愛。男主角Mark Ruffalo從落泊音樂家(一切從音樂開始)到失控變型俠醫(復仇者聯盟)再到今次的躁爸爸,就是外型已入木三分,但居然愈來愈順眼。

Hearoom 發表在 痞客邦 留言(0) 人氣()

故事型式翻炒再翻炒,炒到鑊都燶。睇過的就係集體回憶,未睇過的就感覺新鮮(?)總有市場。首三份一的戲幾悶,之後好少少。男女主角都唔好睇,女主角細細粒無說服力。不過睇呢類戲純粹觀能刺激,無負擔,因為主角永遠唔會死,見到T800要走都無以前佢墜入溶岩咁傷感,因為我明白何謂'I'll be back'。不過故事總算與時並進,現實中其實我地好早已活在sky net 下,genesis 亦已被Steve jobs 啟動了。

Hearoom 發表在 痞客邦 留言(0) 人氣()

image  

復仇者聯盟2
自己唔係英雄人物卡通的粉絲,所以無概念,純粹當一部普通戲咁睇。睇親呢類型的戲都唔會對故事有期望,大致上都係救地球,一大堆廢話。不過每次入場都會希望會睇到d新思維或新設計,特技等,可惜此戲欠奉。故事的人工智能控制地球,人類如何自我毀滅等,毫無新意。文戲的家庭,感情,友情線都寫得求其。打鬥塲面亦離不開打爛哂所有嘢,只有觀能刺激,但塲面設計無特別。不過好在有個ironman睇下,因為我最鐘意有錢人。

Hearoom 發表在 痞客邦 留言(0) 人氣()

image  

 

我和Dior 的華麗邂逅

Hearoom 發表在 痞客邦 留言(0) 人氣()

image  

念念
呢套係一套文藝片,若唔喜歡的話,就會好似我睇復仇者聯盟2咁,你講得幾精彩我都無動於衷。

Hearoom 發表在 痞客邦 留言(0) 人氣()

image

 

非常精彩的一齣戲,完全想像不到下一步會如何。全套戲分6個獨立故事,每個故事都可能會發生在你我身邊,角色選擇用最直接,最忠於自己的方法面對,其實好多時侯都是大家心底的想法,只是礙於多方面的考慮而無實行。故事好瘋狂,但我覺得對人性的描寫好真實,全無枷鎖,睇得暢快!

Hearoom 發表在 痞客邦 留言(0) 人氣()

image  

整套戲由叮噹結識大雄開始至發展友誼至離開,故事完整,著力描寫叮噹同大雄的友誼,以戲論戲,感覺普通,什至得有點悶,而且睇唔慣立體精緻畫功的叮噹大雄,不過未來世界的一part幾得意。但其實無論套戲係點都不重要,大部分人應該都係醉翁之意不在酒,睇的係一份回憶,因為入場的你和我都係與叮噹共同成長,各人有不同回憶,一路睇一路想起小時候,幾有趣。
 

Hearoom 發表在 痞客邦 留言(0) 人氣()

image  

想當年睇「荒失失奇兵」時,客串的幾隻企鵝已好搶鏡,今次擔正,當然要捧場。故事都係圍繞打敵人同營救拍檔之類,簡單胡鬧,主要睇幾隻企鵝有幾可愛,應該唔會係呢個檔期的首選。


Hearoom 發表在 痞客邦 留言(0) 人氣()

image  

上年陪人睇「金雞SSS」,在無期望下笑到碌地。今年在充滿期待下睇「金鴨」,好失望,全塲笑唔出,吳君如雖然唔係美女,但扮男人都真係唔得。全套戲好鬆散,想講做鴨的辛酸及鴨亦有人情味,但都好表面,不過港產片又真係唔好有要求。唯一賣點係客串名單陣容強勁。


Hearoom 發表在 痞客邦 留言(0) 人氣()

image  

狂野行

故事講述女主角受喪母打擊,一度沉淪,後來醒覺,透過獨自征服艱辛的行山徑自省及尋回自我,整套戲以主角當時行山所面對的人和事與回憶互相穿插,講出前因後果。故事點出行山同人生一樣,要克服種種困難,結果最後都只能靠自己。套戲貌似有深度,但又硬係好似欠了點甚麼,感覺平淡普通。同類型電影,「127小時」精彩好多。女主角Reese Witherspoon演出落力,但反而不及「永遠的愛麗絲」裡Julianne moore 內斂的演技出色,難怪後者狂掃各大影展獎項。尚欠奧斯卡,希望攞埋啦。

Hearoom 發表在 痞客邦 留言(0) 人氣()